Apocalipsis 2:20 - Biblia Dc en Mixe de Quetzaltepec

²⁰ E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Biblia Mixe de Quetzaltepec

²⁰ E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Tios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Apocalipsis 2:20 ပူးပေါင်းရင်းမြစ်များ

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Reyes 17:13

Tä ja Elías y'ëtsooy: Këtii mtsë'ëkë. Nëjkx yaj'oyë mëti'ipë të xynyikäjpxyën. Jëyëjp ja tsajpmokway xyajtunëty jampë xymyëët'atyën ets xyaj'oyëty tu'uk yë nma'atsyës ets mjä'ä xyaj'oyëty ets mmaank yë jyä'ä näjyëtu'un.

1 Reyes 17:4

Ma tääpë itën, jyëkyejpy jam mnëë uukëty ets tyamës n'ënëëmëja'any ets jooky yë'ë mkääky m'uuky tmëminëty.

2 Reyes 9:22

Ko ja Joram t'ijxy ja Jehú, tä t'ënëmaay: ¿Wi'ix Jehú oypyë myajmiinpyë, ëkë mtsiptunaanpë? Tä ja Jehú y'ëtsooy: ¿Wi'ix yjyää'atëty ja jotkujk'ajtën, pën mijts yë mtaak, Jezabel, je'eyëm tuun'ëtë'ëtsy ja ëxëëkpë, ma ja wiink tios t'ëwtatyën ets ma ja myëku'uk tpatoy tpanaxyën?

2 Reyes 9:7

Mijts nëjkx xyajkutëkoy ja Ahab ja yu'unk y'ëna'k, mëti'ipë mwintsën'ajtypyën, jëtu'unts xynyitsiptunëty ja jyot nye'pny ja ntuunpëtëjkës mëti'ipë ja Jezabel të tyaj'ooky të tyajtëkoyën nanëkookyëjxm.

Éxodo 34:15

Nitii käjpxytyu'unën mëët xykyamëët'atëty tääpë ja'ayëty jampë jyuuky'atën ma tampë itjotmën. Këtii xy'oytyijtëty yë wyintsën ets këtii xyjyë'kxtëty xypyëktëty yë jyi'kxyëty, mëti'ipë të tukwintsë'ëkëtën ets të tkë'ëmo'otën yë wiink tios mëti'ipë yë'ë y'ëwtajtëpën.

Ezequiel 13:17

Mijts ye'etyëjk, tyam yë'ë mëkajpx yë to'oxytyëjktëjkëty mëti'ipë käjpxynyajxtëpën ets nikajpxtë ko yë'ë n'aaw n'ayukës nyikajpxëtëp kë'ëmwinma'any,

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënety mtuuntëp. Dios mkënu'kxëtëp.

1 Corintios 10:28

Pën jamts m'ënë'ëmxëtë: Tëë ya'atë tsu'utsy nyiwintsë'kën yajpëjktä'äky, ka'ap xyjyë'kxtëty këtiipë wiink t'ixëty mëti'ipë ënety të mtuk'ëwa'anxëtën ets këtiipë yajpokjyawëty mëti'ipë ënety mtuuntëpën.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Apocalipsis 2:4

E tap mëti'ipës ka'ap n'ojawën ma mijtsën, ko ka'ap jëtu'un ja tsojkën xy'ëkmëët'ajnë ijxtëm ijty tëëyëpën.