Apocalipsis 19:6 - Biblia Dc en Mixe de Quetzaltepec

⁶ Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Biblia Mixe de Quetzaltepec

⁶ Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Tios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Apocalipsis 19:6 ပူးပေါင်းရင်းမြစ်များ

Job 40:9

¿Ni'ik jëtää mijts mëkëty këtiinëm ëjtsë? ¿Jëtu'un yë m'aaw myo'kn y'ënä'äny ënääwën tääjës ëjts yë njä'äjënë?

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Salmos 47:7

Tukkuuy'ëwtë yë Dios oyëtypë ëy ets aaw ayuk oyëtypë yajmëtoyën, jä'ä ko yë'ë yajkutujkp ma tëkokyë yë naaxwiinyëtë y'ëwtityën.

Salmos 77:18

Yajmëtoop ja m'ënääw ma pojxujtykyën; ets ja wëtsuk tyukjajëtyääpy ja naaxwiinyëtë, ënät ja naaxwiinyëtë të tyëkëtë yu'kxpë mëët ja ujx.

Salmos 93:1

Yë Wintsën, yë'ë yajkutujkp, natuky yajpaaty mëët yë myëj'ajt y'oyajtën jëtu'un tä jeexyë yë'ë twit'aty txox'atyën. Yë'ë ojts tpëjktä'äky yë naaxwiinyëtë ta'tspëky këtiipë yu'kxëty.

Salmos 97:1

Xoonta'aktë naaxwiinyëtë apëtsëmy, xoonta'aktë miitsëty naax kajpn tu'këëyi'ikpyë muum yajpaatën mejyjoty, Yë Wintsën, yë'ë yajkutujkp.

Salmos 97:12

Jotkujk mnäjyawëtëty ma Wintsënën, miitsëty naaxwiinyëtë ja'ayëty ninu'un oy mja'ay'atën, mëjjaw kënu'kxyjyawëtë wya'atsajtën.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Apocalipsis 14:2

Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Dios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Dios yë xyëëw nyaxëty.

Apocalipsis 21:22

Ni ma kajpn jëtu'un të nka'ixyës ja tsajptëjk ma Dios yajwintsë'ëkën, jä'ä ko ja Dios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Dios ja niwëxtujkpë ja jya'awën.

Apocalipsis 6:1

N'ijxës ko ja Kupixyn U'unk tyaj'ëwatsy mëtu'uk ja wëxtujkpë ja tsa'ayën ets nmëtoowës ko tu'uk ja nimajktaxkpë juuky'ajtpë mëk y'ënäny ijxtëm ja ënääw nyokyën: Min.

Apocalipsis 8:5

Tääts ja tsajpjotmëtë kukäjpxy tkoonë'ky ja poom ato'oyën ets tyaj'ujtsy mëët ja jëënpajk mëti'ipë jamën ma ja wintsë'këntyaknën, ets najtswëjjëy ma ja naaxwiinyëtën ets myiiny ja ënääw wëtsuk ets mëk ujx.