Apocalipsis 19:17 - Biblia Dc en Mixe de Quetzaltepec

¹⁷ Ënet n'ijxyës tu'uk ja tsajpjotmëtë kukäjpxy tyänë xëëwkëjxm ets ayaxp ajojkp t'ënëmaay ni'ëmukë ja jëyujk mëti'ipë kääkëtijtëpën tsajpwinm: Mintë. Nämyujkta'ajëtë ma ja Dios ja mëj a'ux tyaka'anyën.

Biblia Mixe de Quetzaltepec

¹⁷ Ënät n'ijxyës tu'uk ja tsajpjotmëtë kukäjpxy tyänë xëëwkëjxm ets ayaxp ajojkp t'ënëmaay ni'ëmukë ja jëyujk mëti'ipë kääkëtijtëpën tsajpwinm: Mintë. Nämyujkta'ajëtë ma ja Tios ja mëj a'ux tyaka'anyën.

Apocalipsis 19:17 ပူးပေါင်းရင်းမြစ်များ

Isaías 29:2

jä'ä ko ntukpaatäämpyës yë amay jotmay yë Ariel kajpn, itaanp jam ja jë'ëyën yaxën. Ënätnëm nëjkx n'ixyës pën xyëëwajtypyën Ariel.

Isaías 56:9

Miinta'atë ëwa'anjëyujkëty; yukjotypë mtsëënëtën, mëti'ipë tsyu'tstëpën ja tsajppax ets kupixyny,

Jeremias 12:9

Jëtu'unës yë nnaax nkajpn tä tu'uk yë joonën mëti'ipë janty'oy yë jyëmkën, mëti'ipë tukmëtsip'ajtëpën ja myëku'uk ko y'oyëty ja jyëmk. Miinta'atë nitëkokyë aayjëyujk ujts jëyujkëty mëti'ipë ëwa'anëtyën ets mtu'ukmuktëty ets mjë'kxtëty mpëktëty.

Ezequiel 31:13

Nëjkxëp wiinkëtypë joon jëyujk myintë ets nëjkx tsyënaaytyaknpëktë ma ja mëj kepy ënety të nyajtskëtawën ets minantëp näjyëtu'un ja wiinkëtypë ja aayjëyujk ujtsjëyujk ets nëjkx jam ja pyä'än tpëjkta'aktë.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 19:21

Ja wiinkpë, ojts y'o'kta'atë mëët ja tëypyujxn mëti'ipë jap y'aawjoty pëtsëëmpën mëti'ipë tyuk'u'unyääpyën ja poop kwaay ets ni'ëmukë tsyu'tstaayëtë ku'uxyë ja jëyujk mëti'ipë kääkëtijtëpën.

Apocalipsis 8:13

Tam ënety jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.