Apocalipsis 18:4 - Biblia Dc en Mixe de Quetzaltepec

⁴ Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Biblia Mixe de Quetzaltepec

⁴ Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Apocalipsis 18:4 ပူးပေါင်းရင်းမြစ်များ

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

Salmos 50:18

Ja'ay mëti'ipë toonp mä'tspën, janty'oy xytsyoky xyjyawë, jëtu'un xy'oyjawë mëkä'äx'ajtyp yowë; janty'oy mëët mye'eymyuky mnajxmuky yë ja'ay ka'apë y'u'unk tyo'oxytyëjk twinkutsë'ëkën.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Jeremias 50:8

Kä'äktë, tsoontë jam Babilonyë ma caldeo ja'ay kyajpnëtyën; tsoontë jam, jëtu'un tä tu'uk ja'ay maykyupixyny twojptsoonyën.

Jeremias 51:45

Nnaax nkajpnës, pëtsëm jam, wä'än këëkjä'ä ja'ay jyuukyajtën tyajtso'oky maas të ntukjoot'anpëktën.

Jeremias 51:50

Miitsëty mëti'ipë ojts o'kënjëjp'am mtso'oktën, kä'äktë, këtii mwa'ak'oyëtë ma jëkäm myajpaatën; mmëmay mëtajtë yë Wintsën ets ja'amyätstë yë Jerusalén.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Mateo 23:30

ets m'ëna'antë: Ko jeexyë ënety ëëtsajtëm jää njuuky'ajtëmë ma ojts jyuuky'atën ja n'ap'ajtëmë, ka'ap jeexyë ojts jëtu'unpë ja winma'any mpatëmë ets y'ooktëty ja käjpxynyajxpëtëjkëty.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.

2 Juan 1:11

Pën kyajpxpo'kxyp yë'ë ënety mëët yajpaaty.