Apocalipsis 17:17 - Biblia Dc en Mixe de Quetzaltepec

¹⁷ Dios të wyinma'anymo'ojëtë ets tuntëty mëti'ipë tsyojkpyën ko ënety tu'ukyë ja winma'any tmëët'atë. Ënet ja kyutujkën tmo'otëty ja mëj jëyujk koonëm tpaatëty ijxtëm ja Dios të tuknipëjktaakën.

Biblia Mixe de Quetzaltepec

¹⁷ Tios të wyinma'anymo'ojëtë ets tuntëty mëti'ipë tsyojkpyën ko ënäty tu'ukyë ja winma'any tmëët'atë. Ënät ja kyutujkën tmo'otëty ja mëj jëyujk koonëm tpaatëty ijxtëm ja Tios të tuknipëjktaakën.

Apocalipsis 17:17 ပူးပေါင်းရင်းမြစ်များ

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Salmos 105:25

E yë'ë ojts näjyëtu'un kë'ëm tyajkutuky ets ja Egiptë ja'ayëty tmëtsiptsoontëty ja Dios ja nyaax kyajpn ets twin'ëëntëty ja tyuunpëtëjk.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Dios të tyajkutukyën.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Dios juukpyë të tukajpxpety ets të y'ënä'äny: Ma ënety tëkëëk jëmëjt ja kujkm të nyäxyën, ma ënety o'ktëy të yajtuunta'ayën ja kyutujkën ja Dios ja kyajpn, ënätnëm nëjkx ya'atë ëyo'on kyixy nyäxy.

Lucas 22:22

Ëjts, naaxwiinyëtë ja'ay y'U'unk, yë'ëjës ntuunpy mëti'ipës të nyajtuknipëjktaakën. E o'ktëy jyata'any tääpë ja'ay mëti'ipës xykyë'ëyakaanpën.

Lucas 22:3

Tääts ja Judas mëti'ipë ijty tyijtëpën Iscariote, tu'uk mëti'ipë mëët nyimajkmäjtskëtën ja Jesús ja y'ijxpëjkpëtëjk, yë'ë ja mëjku'u ojts tyuktëkëty.

Lucas 22:37

Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Dios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.

Juan 10:35

Yajnija'ap ko ka'ap tjëkyepy ja Dios ja y'aaw y'ayuk këxja'aypyë yajninaxëty; ets ja Dios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Juan 19:24

Ënet ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Dios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Juan 19:28

Ko jëtu'un jyäjty kyëpejty, ets ko nän nyija'ap ënety ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

2 Corintios 8:16

Nkukajpxëpës ja Dios ko Tito näjyëtu'un Dios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Dios ja y'äkë.

Apocalipsis 17:13

Tu'ukyë ja wyinma'any tyaj'itë ja nimajkpë ja yajkutujkpëtëjk ets myo'ojantëp ja mëk'ajtën ets ja kuttujkën ja mëj jëyujk.

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Dios kyäjpxypën.

Apocalipsis 6:11

Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.