Apocalipsis 17:14 - Biblia Dc en Mixe de Quetzaltepec

¹⁴ Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Biblia Mixe de Quetzaltepec

¹⁴ Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Tios të wyinwitsëtën ets mëti'ipë wintëy wiinkujk mëët ja Tios y'itën.

Apocalipsis 17:14 ပူးပေါင်းရင်းမြစ်များ

Salmos 110:5

Yë Wintsën tam yajpaaty ma m'a'oykyë'ëjën, ko ënety jyoot'anpëky, nëjkxëp tyajkutëkooytyä'äy yë yajkutujkpëtëjk.

Jeremias 1:15

Ëjts mëti'ipë Wintsën'ajtpën, yajxon ntimy'ënëëmëtë ko nmëkajpxta'ajäämpyës nitëkokyë yë yajkutujkpëtëjk mëti'ipë jamtsow anëkëjxmtsow ënä'ämtëpën ets myiinta'atëty ets nëjkx jam tpëjktakta'atë yë kyutujktakn maajaty nyäxyën yë potsy mëti'ipë yë Jerusalén kajpn nyapots'ajtypyën ets maajaty ja Judá kajpnën.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Jeremias 50:44

Ajotkumonës nmina'any, jëtu'un tä tu'uk kaa ye'epyëtsimyën ujtsjoty jam ma Jordán nëëjën ets kyupëyë'ëkë mëëyjoty ma xyeemyëtyën ets nyajka'aka'anyës yë Babilonyë ja'ayëty, yë'ëjës jam mpëjkta'akäämpy ja'ay yajkutujkpë mëti'ipës të nwin'ixyën. Jä'ä ko, ¿pënës xy'ëkmëpaatëp? ¿Pën ëktsiptuna'anëp mëët ëjts? ¿Pën kupixyny këwent'ajtpë xy'ëkwinkuwa'akëpës?

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Daniel 7:21

Ënätës të n'ixy ko tyaapë waj tëë tnipëtë'ëky yë Dios yë nyaax kyajpn ets tëë tmëmëtä'äky,

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënety yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

Mateo 22:14

Jä'ä ko nimay ja ja'ay jyayajyaxtsowtë, wäänë wyinkëtä'äky mëti'ipë win'ixëtyën.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Dios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Romanos 1:6

Ma yë'ëjëtyën miits näjyëtu'un myajpaatë mëti'ipë jam Roma tsënaaytyëpën. Mtsojkëtëp yë Dios ets të mwootsowëtë ets mjuuky'atëty wa'ats. Wä'än ja Dios Teety ets ja Wintsën Jesukristë mmo'ojëtë ja kënu'kxën ets ja jotkujk'ajtën.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

1 Corintios 15:24

Tääts kyëxëty nyaxëty ko ja Kristë tmëmëtakta'ajëty ja wintsëntëjk, yajkutujkpëtëjk, kutuunktëjk ets ja ënä'ämpëtëjk ets tukkë'ëtëjkënëty ja kuttujkën ja Dios Teety.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

1 Timoteo 6:15

Jëtu'un jyatëty ko ja xëëw jëmëjt tpaatëty mëti'ipë ja Dios të tuknipëjktaakën. Kënu'kxy yë'ë, yë'ë tu'ukyë yajkutujkp, ma ja yajkutujkpëtëjkën ets mëti'ipë nyiwintsën'ajtypyën ja wintsëntëjk.

2 Timoteo 2:4

Nitu'uk ja tsiptuunpë tkamëmay tkamëtajy ja wiink winma'any ko jam tsyiptuny, jä'ä ko oy mëët ja wyintsën wyë'ëma'any.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 11:7

Ko ja Dios ja jyä'ä ënety të tkajpxwa'kxta'atë, ënät ja mëj jëyujk pyëtsëma'any mëti'ipë tso'onpën ëyoowtaknjoty, yë'ë yaj'ookëtëp.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.