Apocalipsis 16:17 - Biblia Dc en Mixe de Quetzaltepec

¹⁷ Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Dios ja tyëjkën, ma ja kutujktaknën ets y'ënä'äny: Tëë tyunyë jyätyë.

Biblia Mixe de Quetzaltepec

¹⁷ Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Tios ja tyëjkën, ma ja kutujktaknën ets y'ënä'äny: Tëë tyunyë jyätyë.

Apocalipsis 16:17 ပူးပေါင်းရင်းမြစ်များ

Juan 19:30

Ko ja Jesús tkupëjky ja tsatsym nyëë xun ënät y'ënäny: Tyam tëë ënät tyuunta'ay jyajta'ayë tu'kë'ëyë winë. Ets ojts kyutëëynyäxy ja kyëpajk ets ja jya'awën tyukpëtsëëmë.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 14:15

Ets ja wiinkpë ja tsajpjotmëtë kukäjpxy jap pyëtsiimy ma ja Dios ja tyëjkën ets mëk tmëkäjpxy mëti'ipë yootsjotm u'unyääpyën: Yajpëtë'knë yë pëjktä'äky mëët yë tsujkn. Tëë yë xëëw po'o tpatnë ets pyëtë'knëty, jä'ä ko tëë myëjaawnë.

Apocalipsis 14:17

Tääts ja wiinkpë ja tsajpjotmëtë kukäjpxy pyëtsiimy ma ja Dios ja tyëjkën jam tsajpjotm, nän tsujkn myëët'ajtyp jëjpë.

Apocalipsis 16:1

Ets nmëtooyës ja ayuk mëk ma ja Dios ja tyëjkën ets yaj'ënëëmëtë ja niwëxtujkpë ja tsajpjotmëtë kukäjpxy: Nëjkxtë naaxwiiny ets xyajtukwa'atstëty yë a'ukën mëti'ipë myëët'ajtypyën yë ëyo'on mëët ja Dios ja tsyip y'äkë.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.