Apocalipsis 15:5 - Biblia Dc en Mixe de Quetzaltepec

⁵ Ko jëtu'un jyäjty, ok ojts n'ixyës ko ja Dios ja tyëjk y'ëwatsy tsajpjotm, ma pëjkë'ëky y'ityën ja Dios ja y'ënä'ämën këxja'aypyë.

Biblia Mixe de Quetzaltepec

⁵ Ko jëtu'un jyäjty, ok ojts n'ixyës ko ja Tios ja tyëjk y'ëwatsy tsajpjotm, ma pëjkë'ëky y'ityën ja Tios ja y'ënä'ämën këxja'aypyë.

Apocalipsis 15:5 ပူးပေါင်းရင်းမြစ်များ

Éxodo 25:21

Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Éxodo 38:21

Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënety të tyunyën ma Dios ja jyëën tyëjkën, mëti'ipë myë'ijtypyën ja käjpxytyu'unën.

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 13:6

Jëtu'un tjantytyuuny, myëkajpxtëkooy ja Dios ets tni'ojëy ëxëëkjaty ja jyëën tyëjk ets mëti'ipë tsajpjotm ijtëpën.