Apocalipsis 14:8 - Biblia Dc en Mixe de Quetzaltepec

⁸ Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

Biblia Mixe de Quetzaltepec

⁸ Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

Apocalipsis 14:8 ပူးပေါင်းရင်းမြစ်များ

Isaías 13:1

Ma yajnikäjpxy yajnimëtyä'äkyën wi'ix ja Babilonyë ja'ay nëjkx jyatën kyëpätën, mëti'ipë ja Jeséas, ja Amós ja myaank, ojts ja Wintsën tyuk'ëne'emyën ets nikajpx nimëtya'akëty.

Isaías 21:9

Koos të n'ijxpaaty tu'uk kepy wintëkäämpë të myiny mëti'ipë nimäjtsk kwaay pajëtujtëpën, ja mëti'ipë jam kyëwaaykyijxy ënyääytyëpën tu'uk të kyäjpxy ets të y'ënä'äny: Tëë ja yajnitëkë, tëë ja yajnitëkë ja Babilonyë kajpn, ka'ap të myëtä'äky. Tëë tyukpu'ujëtyä'äy mëti'ipë ijty y'ëwtajtëpën.

Jeremias 50:1

Ma yajnikäjpxyën wi'ix jyata'anyën ja Babilonyë kajpn, ma caldeo ja'ay tsyëënëtën, mëti'ipë yë Wintsën ojts tuk'ëwaanën yë Jeremías ets tkajpxnaxëty.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Nahúm 3:19

Ka'ap tii tsooy mëti'ipë myajtso'okëtëpën; yë mpu'uts ka'ap maa nyitsooy. Mëti'ipë nyija'awëtëpën ko ëxëëk mjajnë mkëpäjnë yajxon xyoontaknëtë, jä'ä ko yë'ë jyä'ämyäjtstëp wi'ix ojts ëxëëk xytyunyën.

Apocalipsis 11:8

Tu'ujotm ja nyi'kx kyopk wyë'ëmta'aja'antë wijtstëy jam mëj kajpnjotm, ja kajpn ma ja Wintsën kyëruutspejtyën, yë'ë yajtijp yë Sodomë ets Egiptë kajpn.

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

Apocalipsis 17:18

Yë to'oxytyëjk mëti'ipë të xy'ixyën, yë'ë jëtu'un tyijpy ja mëj kajpn mëti'ipë y'ëne'empyën ja yajkutujkpëtëjk naaxwiinyëtë apëtsëmy.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.