Apocalipsis 14:7 - Biblia Dc en Mixe de Quetzaltepec

⁷ Ets mëk y'ënäny: Winkutsë'ëkëtë ja Dios ets xymyëjjaw xyjyääntyjyawëtëty, jä'ä ko tëë ja xëëw mëtyo'owën tpaaty ma tyiytyuna'anyën ets pyaye'eyä'äny. Ëwtatë pën ja naax, tsajp, nëë ets ja mejy yajkojën.

Biblia Mixe de Quetzaltepec

⁷ Ets mëk y'ënäny: Winkutsë'ëkëtë ja Tios ets xymyëjjaw xyjyääntyjyawëtëty, jä'ä ko tëë ja xëëw mëtyo'owën tpaaty ma tyiytyuna'anyën ets pyaye'eyä'äny. Ëwtatë pën ja naax, tsajp, nëë ets ja mejy yajkojën.

Apocalipsis 14:7 ပူးပေါင်းရင်းမြစ်များ

Génesis 22:12

Y'ënäny ja Dios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Dios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Nehemías 9:6

Ets ja Esdras y'ënäny: Mijts Wintsën ni pën jëtu'un mkamëpaatëtëty tä mijtsën. Jä'ä ko mijts ojts ja tsajp xyajkojy ets mëti'ipë jam waanëkëjxyën ets tëkokyë ja nyimëtsa'a; mijts ojts xyajkojy ja naaxwiinyëtë ets mëti'ipë jää yajpatpën, mijts ja juukymyejy të xyajkojy ets tëkokyë mëti'ipë jap yajpatëpën. Mijts näjyëtu'un myajjuuky'ajtääpy oy tyimtiijëty mëti'ipë juukyajtënmëëtën. Paatykyëjxm m'ëwtatëtë ja mëtsa'a jampë tsajpkëjxm yajpaatën.

Salmos 115:15

Wä'än yë Wintsën mëti'ipë yë tsajp ets naax yajkojën, tyajkëtä'äky yë kyënu'kxën ma miitsëtyën.

Salmos 124:8

Yë nputëjkën'ajtëm jam tsyoony ma Wintsënën mëti'ipë yajkojën yë tsajp ets naaxwiinyëtë.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Salmos 36:1

Yë ëxëëkajtën yë'ë myëkäjpxyp yë ëxëëk ja'ay ets jap tyimtëkë ma jyot wyinma'anyën. Ka'ap myäy tyäjy nijëna'a ko kopkpëky ko Dios nwinkutsë'këmëty.

Salmos 89:7

Dios yë mëjpë ets kutsë'ëkëpë, itkujky ets natuky yajpaaty mëët tëkokyë jënu'un yajpaatën jam tsajpjotm.

Salmos 95:5

Yë nëëmejy yë'ë jyä'ä'ajtyp, jä'ä ko yë'ë ojts tyajkojy; yë'ë ojts mëët kyë'ë tyajkojy yë të'ëtsnaax.

Éxodo 20:11

Jä'ä ko yë Dios tëtujk xëëw ojts t'oytyuny yë tsajp ets naaxwiinyëtë, yë nëëmejy ets tëkokyë mëti'ipë yajpatpën ma yë'ëjëtyën ets ojts pyo'kxy kom wëxtujk xëëw. Jëtu'un'äämpy ojts ja Dios tkënu'kxy yë po'kxënxëëw ets ojts tnikäjpxy ko wya'atsëty.

Isaías 40:3

Jëtu'un tu'uk ja aaw yo'kn yajmëtoy y'ënä'äny: Yaj'oyëtë ja në'ë tu'u ma ja Wintsën nyaxëtyën, tuk'akäätsëtë tëywyijtsnë ma nyajtswa'akëtyën ja nWintsën'ajtëm Dios, jam të'ëts'itjotm ma ka'ap tii y'ity wyintëyën.

Isaías 40:6

Jëtu'un tu'uk ja aaw yo'kn të yajmëtoy y'ënä'äny: Mëk yujkya'ax, etsës të nyajtëy: ¿Wi'ixës n'ëna'anëty? Ko tëkokyë yë naaxwiinyëtë ja'ay jëtu'un yë'ëjëty tä aay ujtsën, tä pëjyën kamjotypë tu'ujotypë yajpaatyën.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Isaías 42:12

Wä'än ja Wintsën ja myëj'ajt y'oyajtën tnikajpx tnimëtyakëtë ets wä'än tukyaax tukjokëtë ma ja naax kajpnën mejypyë'aaypyë yajpaatën ets Wintsën yajmëjpëjkta'akëty.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Ezequiel 7:2

Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Daniel 8:19

ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënety ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Mateo 25:13

Näjyëjp'ixëtë, jä'ä ko ka'ap xynyijawëtë pën tii xëëw tii mëtëy jatëkok nmina'anyës.

Lucas 17:18

¿Ya'atë mëti'ipë ka'ap jyutiis ja'ayëty yë'ë nätyu'uk të wyimpity ets ja Dios të tmëjjaw të tjaantyjyawë?

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Dios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

Josue 7:19

Ënet ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 11:18

Tëë ja naaxwiinyëtë ja'ay jyoot'anpëktë ets tëë ja tiempo tpaaty ets xtyiytyunëty ja ja'ay ets xypyaye'eyëty ja pyoky ja o'kpë; ets ja mkäjpxynyajxpëtëjk xymyo'ojëty ja nyäkyumayë, ja wa'atspë ja mkajpn ets mëti'ipë myëjja'awëtëpën ja mxëëw, mëj mutskpë; jëtu'un xyajkutëkoyëty mëti'ipë yajkutëkooytyëpën ja naaxwiinyëtë.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Dios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.

Apocalipsis 18:19

Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.

Apocalipsis 19:5

Ënet yajmëtooy ja ayuk ma ja kutujktaknën: Miitsëty, mëti'ipë myëtuuntëpën ets wyintsë'këtëpën ja Dios, mëjpë mutskpë, mëjjaw jaantyjyawëtë yë nTios'ajtëmë.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

Apocalipsis 8:10

Ko ja mëtëkëëkpë ja tsajpjotmëtë kukäjpxy tukxuxy ja pyujxn xuxn, ënät tu'uk ja mëj matsa'a ojts kyä'äy tsajpwinm, jëtu'un tyoy ijxtëm jëënyä'änkën. Jam kyuka'ajëy ma tu'kpëky ja tëkëëk pëkpyë ja mëjnëëjën ets maajëty ja nëë myuutyën.

1 Samuel 6:5

Paaty, yajnikojtu'utë yë ki'ix pa'am ets tsuk mëti'ipë këtye'eytyëpën ma naax kajpnën ets mëjpëjkta'aktë yë Dios mëti'ipë y'ëwtajtëpën yë Israel ja'ayëty; jëtu'un n'ëk'ijxmëty kooxyëp näyajjëwa'akëty yë ëyo'on jotmay ma miitsëtyën, ma tiosëtyën ets ma naax kamën.