Apocalipsis 14:6 - Biblia Dc en Mixe de Quetzaltepec

⁶ Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Biblia Mixe de Quetzaltepec

⁶ Ënät ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 14:6 ပူးပေါင်းရင်းမြစ်များ

Génesis 1:6

Ënet ja Dios jatëkok y'ënäny: Wä'än tjää'aty tu'uk yë niwits nijuux, mëti'ipë yaj'ëwä'kxy'itëpën yë nëë, jëtu'unts ëwä'kxyjyäty wyë'ëmtëty. Ënet ojts jëtu'un tyuny jyätyë.

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

Salmos 119:142

Yë oypyë mnipaye'eyën mëtëy xëmë y'ity, yë m'ijxpëjkën tëyajtën yë'ë.

Salmos 139:24

Ijxkës pën ëxëëk tu'ujës npanëjkxyp, nëëwinwow tu'uwinwoowkës jam ma ja në'ë tu'ujën mëti'ipë nëjkxpën ma juukyajtën winë xëëw winë jëmëjtpë.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

Isaías 40:8

Yë ujts pojën tsyi'itsy ets pëjy pojën xyootsy, e yë Wintsën yë y'aaw y'ayuk itaanp xëmë ets nijëna'a kyatëkatsa'any.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Isaías 51:8

jä'ä ko yë'ëjëty jëtu'un jyata'antë tä tukwit kyiitsyën, tä tukwit tyënë'kën. Ëjts ja nmëk'ajtënës xëmë y'ita'any, ets nitsokënës xëmëkyëjxm yajpaata'any.

Isaías 6:2

Jam pyë'am jamtëm näjyëtu'un yajpaatë ja Wintsën ja kyukäjpxy, kujkyë tyänëtë, tëtujk yë kyäkn, tëkëëk tu'kpa'ajaty: mäjtsk tuk'ëtuktë ja wyiin jyëjp, mäjtsk tuk'ëtuktë ja pyuuy ets mäjtsk tukääkjëtitë.

Ezequiel 1:14

Ja tsajpjotmëtë kukäjpxy pe'tym nyaxtë tyëkëtë, jëtu'un tä wyëtsukyën.

Daniel 4:1

Ëjts Nabucodonosor, ntsojkpyës ets jyää'atëty jotkujk'ajtën, oy juukyajtën ma nitëkokyë ja'ayëtyën mëti'ipë naax tsënaay kajpn tsënaaytyëpën, ma wiinkëtypë naax kajpnën ets ma tëkokyë naaxwiinyëtën mëti'ipë wiink ayuk kyajpxtëpën.

Daniel 9:21

Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Mateo 10:27

Mëti'ipë akootstuuy ntukmëmëtyaktëpën, nikajpx nimëtya'aktë xëëny ma jyäjy tyi'kxyën; mëti'ipë ame'tsyë ntukmëmëtyaktëpën, tukyaax tukjokëtë jam tëjkëjxm.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

1 Pedro 1:25

e ja Dios ja y'aaw y'ayuk ijtëëp ja xëmëkyëjxm. Yë'ë ya'atë ja aaw ayuk mëti'ipë miits të myajtukmëmëtya'aktën.

Apocalipsis 10:11

Ënet xynyëmaaytyës: Kopkpëky ko xykyajpxwa'kxëty ja Dios ja y'aaw y'ayuk, ma ja ja'ayëtyën mëti'ipë yajpatëpën naaxwiinyëtë apëtsëmy, ma mëti'ipë kyajpxtëpën kanaakpëky ja aaw ayuk ets maajaty ja ënä'ämpë kutujkpën.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 13:7

Näyjyëtu'un yaj'ëwatsy ja tyu'u ets tmëtsiptunëty ja Dios ja jyä'äy koonëm tmëmëta'akëty. Jëtu'un ja kuttujkën yajmooy ets t'ënä'ämëty ni'ëmukë ja naaxwiinyëtë ja'ay, mëti'ipë yajpatëpën maajaty ja naaxwiinyëtën ets maajaty ja naax kajpnën mëti'ipë tëkatyëty ja aaw ayuk kyajpxtëpën.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Apocalipsis 8:13

Tam ënety jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.