Apocalipsis 14:20 - Biblia Dc en Mixe de Quetzaltepec

²⁰ Jëtu'unts ja tsatsymtsya'am yajwinma'atsy kajpnpë'am ets kom pyëtsiimy ja ne'pyny. Jëtu'un jyä'äjty ja ne'pyny ma ja kwaay ja y'ajäänë'ëkën, jä'ä wyinjëkämëty majk xëëw ye'eyën.

Biblia Mixe de Quetzaltepec

²⁰ Jëtu'unts ja tsatsymtsya'am yajwinma'atsy kajpnpë'am ets kom pyëtsiimy ja ne'pyny. Jëtu'un jyä'äjty ja ne'pyny ma ja kwaay ja y'ajäänë'ëkën, jä'ä wyinjëkämëty majk xëëw ye'eyën.

Apocalipsis 14:20 ပူးပေါင်းရင်းမြစ်များ

Génesis 49:11

Mëti'ipë kyutsuumpyën yë kyërukts ma aay kepyën, ja jë'kxykyepy mëti'ipë tëëmpäjtpën, ets mëti'ipë pyujpyën yë wyit mëët yë tsatym nyëë tëëpë nyimaanaxyën.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Ezequiel 32:6

Nyajtsamëjäämpyës yë naax mëët yë mjot mne'pny, jampaat jya'ta'any tunkëjxm kopkkëjxm ets yë'ë mëët y'utsa'any yë wokjot.

Joel 3:13

Jä'ä ko yë'ëjëty ëxëëk jyä'äy'atë. Kupujxta'atë tä tsajpmok majën, jä'ä ko tëë tpatnë jëna'a pyëtë'ëktëtyën; jëtu'un tä'änakëtya'atë tä ja'ay tä'ännakën yë tsatsymtsya'am, jä'ä ko tëë tpatnë jëna'a y'uukykyojëtyën.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Apocalipsis 11:8

Tu'ujotm ja nyi'kx kyopk wyë'ëmta'aja'antë wijtstëy jam mëj kajpnjotm, ja kajpn ma ja Wintsën kyëruutspejtyën, yë'ë yajtijp yë Sodomë ets Egiptë kajpn.