Apocalipsis 14:15 - Biblia Dc en Mixe de Quetzaltepec

¹⁵ Ets ja wiinkpë ja tsajpjotmëtë kukäjpxy jap pyëtsiimy ma ja Dios ja tyëjkën ets mëk tmëkäjpxy mëti'ipë yootsjotm u'unyääpyën: Yajpëtë'knë yë pëjktä'äky mëët yë tsujkn. Tëë yë xëëw po'o tpatnë ets pyëtë'knëty, jä'ä ko tëë myëjaawnë.

Biblia Mixe de Quetzaltepec

¹⁵ Ets ja wiinkpë ja tsajpjotmëtë kukäjpxy jap pyëtsiimy ma ja Tios ja tyëjkën ets mëk tmëkäjpxy mëti'ipë yootsjotm u'unyääpyën: Yajpëtë'knë yë pëjktä'äky mëët yë tsujkn. Tëë yë xëëw po'o tpatnë ets pyëtë'knëty, jä'ä ko tëë myëjaawnë.

Apocalipsis 14:15 ပူးပေါင်းရင်းမြစ်များ

Génesis 15:6

Abram ojts tmëpëky yë Wintsën. E paaty ojts kyupëkyë ets yajnajxë wa'ats.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Jeremias 51:33

Jä'ä ko yë Wintsën mëti'ipë maaytyääyëpën winë, yë Israel yë Tyios, jëtu'un y'ënä'äny: Yë Babilonyë kajpn jëtu'un të yajwinteeny tä yë tsajpmokën ko tëë myëjay, tim wiinkoonp ja xëëw jëmëjt ma ja pëjktä'äky pyëtë'ëka'anyën.

Joel 3:13

Jä'ä ko yë'ëjëty ëxëëk jyä'äy'atë. Kupujxta'atë tä tsajpmok majën, jä'ä ko tëë tpatnë jëna'a pyëtë'ëktëtyën; jëtu'un tä'änakëtya'atë tä ja'ay tä'ännakën yë tsatsymtsya'am, jä'ä ko tëë tpatnë jëna'a y'uukykyojëtyën.

Mateo 13:30

Nikë oy ko n'ëxmajtsmëty, wä'än mëët tu'ukyë tyony ja pëjktä'äky. Jäänëm yajwixëty ko ja pëjktä'äky pyëtë'ëkëty. Ënätës ni'ënä'ämëty ets jëwyiin ëpëky tpëjkta'aktëty ja ëxëëk ujts atsuumtä'äkyäty ets yajnino'okëty, ok yajpëjkë'ëkëty jap tëkoty ja tsajpmok.

Mateo 13:39

Ja mëtsip yë'ë ja mëjku'u mëti'ipë nyipën ja ëxëëk ujts. Ko ja pëjktä'äky pyëti'iky yë'ë tyijpy ko ja naaxwiinyëtë kyukëxëja'any; e mëti'ipë ja pëjktä'äky yajpëtë'ktëpën yë'ë ja anklëstëjkëty.

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Marcos 4:29

Ko myëjay, ënät ja ja'ay nyëjkxtë ets tyajpëtë'ëka'antë ja pëjktä'äky jä'ä ko tëë ja nyixëëw nyipo'o tpaaty ets pyëtë'ëkëty.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 13:12

Ja mëjëwyiinpë ja mëj jëyujk ojts myo'oyë ja kuttujkën ets t'ënä'ämëty ja naaxwiinyëtë ja'ay ets t'ëwtatëty ja mëjëwyiimpë ja mëj jëyujk, mëti'ipë ja myëj tsëtyut ënety të tsyo'okyën.

Apocalipsis 14:14

Ënätës n'ijxy tu'uk jam y'u'unyë poop yootsjotm, jëtu'un kyëxë'ëky ijxtëm ja ja'ayën, pu'ts pujxn kyujän'ajtyp ets tsujkn tu'uk kyoon'ijtyp.

Apocalipsis 14:16

Tääts mëti'ipë u'unyääpyën jam yootsjotm tyajpëtë'ktaay ja pëjktä'äky naaxwiinyëtë apëtsëmy mëët ja tsujkn.

Apocalipsis 14:17

Tääts ja wiinkpë ja tsajpjotmëtë kukäjpxy pyëtsiimy ma ja Dios ja tyëjkën jam tsajpjotm, nän tsujkn myëët'ajtyp jëjpë.

Apocalipsis 14:18

Tää wiinkpë tsajpjotmëtë kukäjpxy pyëtsiimy ma ja wintsë'këntyaknën mëti'ipë y'ijx'ijtyp kyëwent'ajtypyën ja jëën wintsë'këntyakn ets tmëjyaxëy mëti'ipë ja jëjpë ja tsujkn myëët'ajtypyën ets t'ënëmaay: Tsujkmuk yë tsatymtyëëm mëët yë mtsujkn jëjpë, mëti'ipë yajpatpën naaxwiiny, jä'ä ko tëë yë tsatym tsyaamnë.

Apocalipsis 15:6

Japts pyëtsëëmtë niwëxtujk ja tsajpjotmëtë kukäjpxy mëti'ipë myëmiintën wëxtujkpëky ja ëyo'on. Janty aak'oy ja wyitëty, aak wa'ats xyoxy'atë ets aak ajajtëp aak atsëmaamtëp wyitëty, aak pu'ts pujxn wëën kyätsywyëën'ajtëp.

Apocalipsis 16:17

Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Dios ja tyëjkën, ma ja kutujktaknën ets y'ënä'äny: Tëë tyunyë jyätyë.

Apocalipsis 6:10

Ets mëk y'ëna'antë: Janty oy, janty wa'ats mijts, Dios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?