Apocalipsis 14:13 - Biblia Dc en Mixe de Quetzaltepec

¹³ Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Biblia Mixe de Quetzaltepec

¹³ Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Apocalipsis 14:13 ပူးပေါင်းရင်းမြစ်များ

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Salmos 85:13

Ja tëyajtën yë'ë jëyëjp naxaanp, ets nipëjktaakëja'any ja në'ë tu'u.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Lucas 16:9

Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Romanos 14:8

Pën juuky'ajtëm, Dios xyajjuuky'ajtëm; e pën o'këm, Dios ënety jatëkok xy'ëxajëmë. Oy njuuky'ajtmëty ëkë n'o'kmëty, Dios ëëts xyjyä'ä'ajtëmë.

1 Corintios 15:18

Pën jëtu'un, mëti'ipë të y'ooktën ets myëpëjktë ja Kristë, nän tëëjën ja tyimkutëkoytyë.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

Filipenses 2:17

Oyës jeexyë nja'o'kpë ets nwintsë'kën'atyës ets jëtu'un kya'pxëty ja wintsë'kën mëti'ipë myajktëpën ma Tiosën ko të mëpëktë, jotkujkës näjyawëty ets xoontakpës mëët miitsëty.

1 Tesalonicenses 4:14

Jëtu'un ijxtëm nmëpëjkëmën ko Jesús y'o'ky ets ojts jyuukpyiky, jëtu'un näjyëtu'un nmëpëjkëmë ko Dios tyajjuukpyëka'any ja o'kpë mëti'ipë të tmëpëktën ja Jesús.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kuttujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Dios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

1 Tesalonicenses 5:10

Tëë ja Kristë xykyu'o'këmë ets mëët n'ijtmëty, oy njuuky'ajtmëty ëkë oy n'o'kmëty.

1 Timoteo 5:24

Tää ja'ay jënaakën mëti'ipë pyoky nikëxë'kpën ka'anëm ënety yajpaye'ey, e ja nimaypyë jäänëm yajnijawëty ko ënety tëë yajpaye'ey.

1 Timoteo 5:25

Näyjyëtu'un ko ja oypyë ntu'unmëty, nikëxë'kp jä'ä; e mëti'ipë ka'ap y'oyëtyën ka'ap xëmë yu'utsy y'ity.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Apocalipsis 10:4

Tamës ënety ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:17

Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Dios ja tyëjkën, ma ja kutujktaknën ets y'ënä'äny: Tëë tyunyë jyätyë.

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Dios kyäjpxypën.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.

Apocalipsis 20:6

Akujk jotkujk jyuuky'atë mëti'ipë jëwyiin juukpyëjktëpën. Yë'ë jëtu'un ja Dios jä'ä''ajtëtëp ets ka'ap ja ëyo'on tpaata'antë mëti'ipë xëmëkyëjxm ijtpën. Teety y'itëty mëti'ipë Dios myëtuuntëpën ets ja Kristë mëët yajkutuktëty tu'uk mil jëmëjt.

Apocalipsis 21:5

Ënet y'ënäny mëti'ipë u'unyääpyën jam ma kutujktaknën: Ëjts nyajkojpy aak jemy oy tyimtiijëty. Ets näjyëtu'un y'ënäny: Kuja'a, ko tëy jaanty ya'atë aaw ayuk ets ëmuumtu'ukjot yajmëpëkëty.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Apocalipsis 6:11

Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.