Apocalipsis 13:13 - Biblia Dc en Mixe de Quetzaltepec

¹³ Näyjyëtu'un ja myëk'ajtën tyaj'ijxëy, tsajpwinmpaat ja mëj jëënyä'änk tyajtso'ony ets naaxkëjxy tyajkëtäky.

Biblia Mixe de Quetzaltepec

¹³ Näyjyëtu'un ja myëk'ajtën tyaj'ijxëy, tsajpwinmpaat ja mëj jëënyä'änk tyajtso'ony ets naaxkëjxy tyajkëtäky.

Apocalipsis 13:13 ပူးပေါင်းရင်းမြစ်များ

1 Reyes 18:38

Tyam kyajpxta'ay, tyam ja jää kyupëmiimnaxy ma ja wintsë'kën ënety jam y'ityën ets tyajtooytyëkooytyääy, wä'än yë'ëjëty ja kepy tsaa, pujxm naaxway, ja nëë mëti'ipë ënety jam të kyutä'ämëtyääyën ma ja nëë'atu'ujën wa'ats ja tyajtëtstaay.

Éxodo 7:22

E ja xëëwmääpyëtëjkëty ets ja wijyjyä'äytyëjkëty ojts näjyëtu'un tyaj'awinpitë ja nëë ne'pny, jëtu'un ojts tuntë tä ënety yë'ëjëty tuunk'atën, yë mëj'ënä'ämpë je'eyëm ka'ap tja'akyukë ja aaw ayuk tä ja Moisés ets ja Aarón jya'ëna'antën, jëtu'un ojts y'ëti'itsy tä ënety ja Dios të t'akäjpxyën.

Éxodo 8:7

E yë'ë ënät ja xëëwmääpyëtëjkëty näjyëtu'un ojts tuntë, ojts tyajmintë näjyëtu'un ja maynyooty jap Egiptë, jëtu'un tä ënety yë'ëjëty tnijawëtën winë tuntëty.

Éxodo 9:11

Ja xëëwmääpyëtëjkëty, ka'ap ojts y'ëkmaayënëtë tjëjpkuwa'akëtëty ja Moisés, jä'ä ko yë'ëjëty ojts ja pu'uts pa'am pyatënëtë.

Mateo 16:1

Tääts ja fariseë ja'ayëty ets ja saduceos tnimiintë ja Jesús ets twinma'any'ixa'antë, yë'ë ojts t'amëtowtë ja Jesús ets tunëty mëj'ajtën mëti'ipë yajknikëxë'ëkëp ko Dios të kyexyë.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

2 Timoteo 3:8

Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 20:9

Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.