Apocalipsis 12:10 - Biblia Dc en Mixe de Quetzaltepec

¹⁰ Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Biblia Mixe de Quetzaltepec

¹⁰ Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Tios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Tios wintum.

Apocalipsis 12:10 ပူးပေါင်းရင်းမြစ်များ

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Job 1:11

E ko winë xy'ëkjëpëjkta'ajëty ma yë'ëjën, tää xy'ëk'ixëty wi'ix mpokyën ets nëjkxëp kë'ëm xymyëtoy.

Job 1:9

E ja tsajpjotmëtë kukäjpxy, mëti'ipë ni'ë'ënëpën tyaa y'ëtsooy: Yë'ë paaty oy mmëtunyë jä'ä ko jotkujk jyuuky'äty.

Job 2:5

E yë'ë ko wi'ix xy'ëktunëty ma jyot nyini'kxën, tä xy'ëk'ixëty wi'ix mpokyën.

Salmos 22:28

Jä'ä ko yë Wintsën, yë'ë tu'uk Yajkutujkpë, ets yë'ë y'ënä'ämtääpy tëkokyë yë naax kajpn.

Salmos 45:6

Yë m'ënä'ämën mkutujkën, mijts Dios, ijtëëp yë xëmëkyëjxm, yë'ë ja kuttujkën ma xëmë y'ityën ja mëtëypyë ja nipaye'eyën.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Mateo 26:64

Ënet ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Dios y'a'oykyë'ëjën, jam jatëkok myina'any yootsjotm, tsajpwinm.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Mateo 6:10

Yajmin ja mkutujkën. Wä'än tunyë tjatyë naaxwiiny tä mijts të xytyuknipëjktaakën jam tsajpjotm.

Lucas 11:2

Tääts ja Jesús y'ëtsooy: Ko Dios xymyëpëjktsowtëty, jëtu'un m'ëna'antëty: Dios Teety, kënu'kxy ja mxëëw nyaxëty. Wä'än tminy ja mkutujkën.

Lucas 22:31

Näyjyëtu'un ja Wintsën y'ënäny: Simón, Simón, tëë yë mëjku'u m'amëtowëtë ets myajwinxitëty ijxtëm ja'ay yë tsajpmoktë'ëts twinxityën,

1 Corintios 5:4

Ko miits mye'eymyuktëty, tam'ataanpës ja njot nja'awën ets näjyëtu'un jyam'ata'any ja Wintsën Jesukristë ja myëk'ajtën.

2 Corintios 12:9

e yë Wintsën jëtu'un të xynyëëmës: Yi'iyë myajmëyäjtyp yë ntsojkënës nja'awënës; jä'ä ko yë nmëk'ajtënës ni'ik tsyowpaaty ma ja pa'am ëyo'onën. Paatykyëjxmës jotkujk näjyawëty oyës npëkyë n'ixyë, jëtu'un nyikëxë'ëkëty ja Kristë ja myëk'ajtën ma ëjtsën.

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 2:26

Pën mëtakp ets tyuunpy ijxtëmës ntsokyën koonëm tpaatëty ja tiempo, yë'ëjës nmo'ojäämpy ja kuttujkën ets ja mayjyä'äy t'ënä'ämëty.

Apocalipsis 7:10

Ni'ëmukë mëk y'ëna'antë: Yë Dios të xyajnitsokëmë, mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk.