Apocalipsis 11:15 - Biblia Dc en Mixe de Quetzaltepec

¹⁵ Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Biblia Mixe de Quetzaltepec

¹⁵ Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 11:15 ပူးပေါင်းရင်းမြစ်များ

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Salmos 146:10

Mijts Sión kajpn, yë Wintsën jam xëmë ënä'ämaanp ma mijtsën; yë mTios yë'ë yajkutukaanp winë xëëw winë jëmëjt. Tukxoontä'äky mëjjawë Dios yë xyëëw nyaxëty.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 72:11

Wä'än tëkokyë yë ënä'ämpëtëjk tkoxtänëtë ma yë'ëjën. Ets wä'än tëkokyë yë naax kajpn jam myëtuntë kyupëktë ma yë'ëjën.

Salmos 82:8

Dios, mijts winë paye'epy yaa naaxwiiny naaxkëjxy, jä'ä ko mijts jëtu'un mniwintsën'ajtääpy tëkokyë yë naax kajpn mëjëtypë këjääjëtypë.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Éxodo 15:18

Yë Dios yë'ë jëtu'un ënä'ämp yajkutujkp winë xëëw winë jëmëjt.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 55:5

Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Ezequiel 47:5

Ojts wiinkpë tkijpxy nän tëkëëk mëko'px ja i'px majktëkëëk xajpk ojts tkijpxy ets ja nëë, mëjnëë ënety y'awinpijnë; këk yajxon y'awinpijty mëjnëëjën, ka'ap tjëkyepy wi'ix ye'epy ntuknaxëtyës, yä'äp tëy je'eyë.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Daniel 7:22

koonëm të myiny ja mëjja'ay ets jä'ä të tnitsiptuny ja Wintsën Ni'ik nyaax kyajpn, jä'ä ko tëë ënety tpaaty ja xëëw jëmëjt ets ja naax kajpn jä'ä tjä'ä'atëty ja kutujkëntakn.

Daniel 7:27

E ja kuttujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Dios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Abdías 1:21

Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Lucas 1:33

ets yajkutukëty xëmëkyëjxm ma ja Israel ja'ayëtyën ka'ap kyëxa'any nyaxa'any ja kyutujkën.

Lucas 15:10

Jëtu'un miits nëëmëtë ko näjyëtu'un ja Dios ja y'anklës xyoonta'aktë ko tu'uk ja pokyjyä'äy jyootwimpity.

Lucas 15:6

ets ko jyä'ty ma tyëjkën ënät twoowmuky ja jyiiky myëku'uk mëti'ipë mëët nyämyäyën ets nëëmë: Mëëtxoontaktëkës, tëëjës ja ntsajppax npaaty mëti'ipë të y'ëktëkoy'ijtpën.

Hechos 4:26

Ets mëti'ipë yajkutujktëpën ets ënä'ämtëpën naaxwiinyëtë tëë kyäjpxykyumëtoownaxtë ets të tnipëtë'ëktë ja Wintsën, ets ja tyuunpë mëti'ipë të twin'ixyën.

Hebreos 1:8

E ko ja y'U'unk tnimëtyä'äky, jëtu'un y'ënäny: Mijts Dios, xëmëkyëjxm ja mkutujkën y'ity, myajkutukëp mijts mëët ja tëyajtën.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Apocalipsis 16:17

Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Dios ja tyëjkën, ma ja kutujktaknën ets y'ënä'äny: Tëë tyunyë jyätyë.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënety të t'ëxajëtën ja kuttujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Dios ja y'aaw y'ayuk ets mëti'ipë ënety ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.

Apocalipsis 9:1

Ko ja mëmëkoxkpë tsajpjotmëtë kukäjpxy tukxuxy ja pujxnxuxn etsës n'ijxy ja matsa'a mëti'ipë ënety të kyuka'anaxyën naaxwiiny ets yajmooy ja ëwatsn, mëti'ipë nyijä'ä'ajtypyën ja mëjjut mëti'ipë nëjkxpën jap ëyoowtaknjoty.

Apocalipsis 9:13

Tääts ja mëtëtujkpë tsajpjotmëtë kukäjpxy tukxuxy ja pyujxn xuxn etsës nmëtooy ja ayuk ma ja pu'ts pujxn wintsë'këntyaknën, ma ja majktaxkpë ja tyäkën, mëti'ipë Dios wyintum yajpatpën.