Amós 9:8 - Biblia Dc en Mixe de Quetzaltepec

⁸ Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.

Biblia Mixe de Quetzaltepec

⁸ Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.

Amós 9:8 ပူးပေါင်းရင်းမြစ်များ

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Génesis 7:4

Jä'ä ko ja wëxtujk xëëwës yë nyajmina'any. Etsës nyajtu'uja'any wëxtyikxy xyëëw wëxtyikxy tsyu'um. Nyajkutëkooytya'ajäämpyës tu'kë'ëyë winë jënu'un jyuuky'atën naaxwiiny. Jënu'unës të nyajkojy të npëjktä'äkyën.

1 Reyes 13:34

Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

Proverbios 15:3

Yë Dios, tää yajpaaty oy tyimmaajëty, y'ijxyp oyjyä'äy ets ëxëëk ja'ay.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 44:27

Jä'ä ko ëjts yi'iyës ënety jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.

Oseas 1:4

Ënet yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Dios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Amós 3:12

Jëtu'un yë Wintsën y'ënä'äny: Jëtu'un tä tu'uk yë kupixyny këwent'ajtpë tuk'aju'tu'utyën yë kaa ko ënety të tmatsy yë kupixyny jam ma kyë'ëjën ëkë ma tyekyën ëkë ma tyatskën, jëtu'un yë Israel ja'ayëty kyä'äka'antë jam Samaria mëti'ipë jam tsënaaytyëpën; yi'iyë nëjkx tjaakmëkä'äktë myaapäjnety ets tu'ktëjyën yë y'ënyääypyäjn.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Amós 9:4

ko ënety të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Deuteronomio 4:31

Yë'ë mëët yë y'oyjyot y'oywyinma'any nëjkxëp mpa'ëyowëtë; ka'ap tu'ukyë m'ëxmatsa'anëtë ets ka'ap nëjkx myajkutëkooyënëtëpë. Ka'ap tja'atyëkoyä'äny ja käjpxytyu'unën, mëti'ipë tyuunën mëët yë m'ap m'okëty ko y'ënäny ko kopkpëky ko tuna'any.

Deuteronomio 6:15

Jä'ä Ko yë Wintsën mëti'ipë miits mTiosajtëpën, mëti'ipë yajpatpën mëët miitsëty jä'ä yë Wintsën mëti'ipë ni'akë'ajtpën; tsojk mtukjoot'anpëkëtëty ets myajkutëkoyëtëty ko xykyamëmëtowtëty.