Amós 8:3 - Biblia Dc en Mixe de Quetzaltepec

³ Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Biblia Mixe de Quetzaltepec

³ Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Amós 8:3 ပူးပေါင်းရင်းမြစ်များ

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Jeremias 22:18

Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënety y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënety të xyjyakoj të xyjyani'iptën ets tsajpmok ets cebadë mya'ata'aja'any.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:5

Miitsëty, ëmu'ukyëjyä'äytyëjkëty, ëkwijtë. Jë'ëtë ya'axtë mëti'ipë tyukjajtëpën y'uuktëty myu'ukëtëty, miimp ja xëëw jëmëjt jëna'a nëjkx myajpëjkëtë yë tsatym nyëë tëëpë nyimaanaxyën.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Amós 5:16

Jëtu'un yë Wintsën y'ënä'äny mëti'ipë maaytyääyëpën winë: Jë'ëyën yaxën itaanp në'ëjoty tu'ujoty, xiitsow yaatsow muum ja'ay jyë'ëja'an ya'axa'antë mëët ja pëjkën ijxën. Nëjkxëp tmëkajpxmuktë ja naaxtuunpëtëjkëty ets myintëty jëëpyë yaxpë ets mëti'ipë tyukjajtëpën ya'axtëty nëjkxëp twowtë.

Amós 5:23

Këtiis nëkoo xywyin'ëwtëty. Nijënu'unës nkamëtowa'any ja m'ëëwpë mkoowpëty.

Amós 6:4

Jotkujk jam mma'atë mpo'kxtë ma maapäjnëtyën mëti'ipë oytyunyën mëët yë elefantë tëts pajk ets mnäy'ënëënta'akëtë; je'eyë xyaj'ooktë yë kupixyny ets tsajpkaa ets mkaytyë mtsu'utstë;

Amós 6:5

ets ënät nitsuu nipoj mxu'uxtë mwoptë; m'ëna'antë ko jëtu'un ja David ijty xyu'uxy wyopy, kë'ëm xytsyätstë ja mxuxnëty ets ja mwojpnëty;

Amós 6:8

Yë Wintsën, Dios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Nahúm 3:3

Nëkooyë myiinëtë këwaaytyuk'ënyääpyë. Je'eyë y'atë'kx y'ajajnë tyiypyujxnëty ets kyu'umënëty. Yajxon ja'ay may tsyëtyujnëtë ets may y'o'knëtë. Xii yaa aak o'kpë yaj'ijxnëp. Aakyë'ë ja'ay y'anäjpënëp o'kpë.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.