Amós 8:14 - Biblia Dc en Mixe de Quetzaltepec

¹⁴ Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Biblia Mixe de Quetzaltepec

¹⁴ Mëti'ipë ënäty të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Amós 8:14 ပူးပေါင်းရင်းမြစ်များ

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Deuteronomio 9:21

Ënet ja tsajpkaa jam nkutijnaxyës mëti'ipë ënety të xyajkojtën ets të myajpokytyunëtën; xit ko'ow ntuuntaayës etsës ojts nëëkuko'owta'ay ma ja nëëwokën mëti'ipë jam kopkëjxm tso'onpën.

Hechos 9:2

ets ja noky tu'uk t'amëtooy ta'tspëky ets tmënëjkxa'any ets tuk'ixa'any ja ja'ay mëti'ipë ye'eymyujktëpën ma ja tsajptëjkën jam Damaskë ets t'ixta'aja'any mëti'ipë pyanëjkxtëpën ja Jempyë Në'ë Tu'u ets tyajnëjkxa'any kë'ëtsumy tekytsyumy jam Jerusalén, wä'än ye'etyëjk to'oxytyëjkëty.

Hechos 24:14

Yi'iyës nkupëjkpy koos ja Dios nmëtuny ijxtëmës ja n'ap n'ok tmëtuuntën. Yë'ës npanëjkxyp mëti'ipë yajtijpën Në'ë Tu'u Jempyë, mëti'ipë yë'ë tyijtëpën ijxpëjkën ka'apë myëtëyëtyën ets nmëpëjkpyës ja Moisés ja y'ënä'ämën ets mëti'ipë ja Dios ja kyäjpxynyajxpë ojts tnikajpxtën.

Hechos 19:23

Näy jää tiempo ja ja'ay tyajtsiptaktë jam Éfeso ja Jempyë ja Në'ë Tu'u.

Hechos 19:9

Je'eyëp ko jënaakën ja ja'ayëty, juunpë ja wyinma'anyëtyën ka'ap tkupëjktë mëti'ipë ja Pablo jyanimëtyäkpyën, ni'ikyënëm y'ëna'antë ja'aywyintum ko ja Oypyë ja Në'ë Tu'u, ëxëëk yë'ë. Paaty ja Pablo timy'ëxmajtsy tääpë ja'ayëty ets ojts twoownëjkxy ja mëpëjkpëtëjk ma ja Tirano ja y'ijxpëjktaknën. Jam ijty winjëpom kyajpxtë myëtya'aktë,

Hechos 18:25

Tëë ënety tni''ijxpëkë ja Wintsën ja nyë'ë tyu'u, ëmuumtu'ukjot tnimëtyä'äky ja Jesús. E oy jyajëtu'unëty, yi'iyë nyija'ap mëti'ipë ja Juan Yajnëëpäjtpë ja ja'ay tyuk'ijxpëjkën.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Amós 5:2

Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 25:27

Ënet ojts yë Wintsën näjyëtu'un xy'ënëëmës: Ënëëmëtë ko ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtëpën, tyam ntuk'ënä'ämtë ets xy'ukta'atëty koonëm mukpëkëtëty ets mtëkëtëty ë'tspë, mkëtaw mkëpiptëty, ka'ap m'ëk maayënëtëty wi'ix mpëtë'ëktëty, mëët ko ënety je'eyë ja tsip y'ijnë mëti'ipë ntuknikäxantëpën.

Isaías 43:17

ets tyajtso'ony jam Egiptë mayjyä'äy mëët yë maykyëwaay ets kyepy wintëkäämpë, Israel ja'ay yajkutëkoyantëp. Tääpë mayjyä'äy ojts y'o'kta'atë, nitu'uk ojts kyawë'ëmy; jëtu'un ojts jyatë tä jëën pyi'itsyën.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Salmos 140:10

Wä'än tkëtä'äky ma yë'ëjëtyën tä jëënpajkën ets jap kyujëpipëtëty jutjoty ma ka'ap nijëna'a pyëtsëmtëtyën.

Salmos 36:12

Ixtë wi'ix jyatën kyëpätën yë ëxëëkja'aytyëjk. Ko kyëtawtë ka'ap y'ëkpëtë'knëtë.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënety ja nyiteety kë'ëm të tpëjktakën.

Deuteronomio 33:11

Wintsën mijts mkënu'kxëp tääpë ja'ayëty, ma jyot myëjaaw tyajtuntën, mijts m'ëxaj mkupëkëp mëti'ipë mtuknimiinëtëpën ets mëti'ipë yajnimëjaawtaktëpën. Pën mëtsip'ajtëtëp ëxëëk xytyunëty, m'atëj mtuktëjëyëp ja jyëwiitsëty, këtiipë jëna'a y'ëknipëtë'kënëtëty.

Isaías 24:20

Tä ëmu'ukyë ja'ayën, jëtu'un y'ëtëtsta'aka'any, tä mëëytyëjkën mëti'ipë nyixeny pejyën jëtu'un pyojyu'kxa'any. Yajxon ja nyëë pyoky jye'emty'ajnëtë, ka'ap t'ëkjëkyäjpnë wi'ix tmëpëtë'ëktëtyën.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Amós 5:1

Mëtoow'itë ja n'ayukës miitsëty Israel ja'ayëty; mëtoow'itë wi'ix yam jë'ë ya'ax nimëtya'aktën: