Amós 7:9 - Biblia Dc en Mixe de Quetzaltepec

⁹ Kutëkooytya'ajantëp yë tsajptëjk mëti'ipë jam yajpatëpën ma Isaac yë y'itjotmën ets tsajptëjk mëti'ipë jam yajpatëpën ma Israel yë kyajpnën, xit ko'ow jyajta'aja'antë. Ets nyaj'itäämpyës yë jëën tsip ma Jeroboam yë y'u'unk y'okën.

Biblia Mixe de Quetzaltepec

⁹ Kutëkooytya'ajantëp yë tsajptëjk mëti'ipë jam yajpatëpën ma Isaac yë y'itjotmën ets tsajptëjk mëti'ipë jam yajpatëpën ma Israel yë kyajpnën, xit ko'ow jyajta'aja'antë. Ets nyaj'itäämpyës yë jëën tsip ma Jeroboam yë y'u'unk y'okën.

Amós 7:9 ပူးပေါင်းရင်းမြစ်များ

Génesis 46:1

Ënet ojts yë Jacob tyu'utëkë mëët tu'kë'ëyë mëti'ipë ënety myëët'ajtypyën. Ko ojts jyä'ty jam Beerseba, ënät ojts ja Dios twintsë'ëkë, yë tyeety Isaac yë Tyios.

Amós 8:14

Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Amós 3:14

jä'ä ko jä'ä xëëw ma ënety yë Israel ja'ay n'amëtowtënës yë tyu'unënëty kyajpxënëty ets nyëë pyokyëty, nëjkxëpës nyajkutëkooytyä'äy yë wyintsë'këntyakn jampë Betel yajpaatyën; yë wyintsë'këntyaknëty wa'ats nëjkx nyëka'ata'ay yë wyaj ets nëjkx naaxkëjxy kyëtakta'ay.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

Isaías 63:18

Tim wäänë yë mnaax mkajpn të tjä'ä'aty, yë kyajpn, mëti'ipë wa'ats mtijpyën. Yë nmëtsipëtyës jëtu'unyë të tä'änëtijta'atë ja mtsajptëjk.

Jeremias 51:51

Jëtu'un miitsëty m'ëna'antë: Ja tsëtyuuntëpës koos ja'ay xy'ojtë xya'axtë. Ëxëëkës nja jawëtë ko ja'ay jëkäm të xynyitsoontës ets të tyëkëtë nkajpnjotyëtyës ets të tyaj'ëxëëkëtë ja wa'atspë kënu'kxypyë tsajptëkoty.

Amós 7:11

Jëtu'un ja'ay t'ënëmaay: Yë Jeroboam kupuxy y'ooka'any ets tëkokyë yë Israel kajpn tsumy matsy nyëjkxta'aja'antë wiink naax wiink kajpn.

Amós 7:13

je'eyëp ko këtii tii xy'ëkkajpxnajxnëty Betel, jä'ä ko mëjtsajptëjk yë yaa ijtp mëti'ipë jyä'ä'ajtypyën yë yajkutujkpë.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.

2 Reyes 14:24

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja pokytyu'un pokykyajpxën mëti'ipë ja Jeroboam, Nadab ja myaank tyuktuuntëkooyën ma ja Israel ja'ayëtyën.

Ezequiel 6:3

jëtu'un xy'ënëëmëty: Mëtoow'itë miitsëty Israel kopkëty wi'ix yë Dios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;