Amós 7:3 - Biblia Dc en Mixe de Quetzaltepec

³ Ënet ja Wintsën të t'akajpxtuky ja ëyo'on mëti'ipë ënety të tuknipëjktaakën ets të y'ënä'äny: Ka'ap tyunanënëpë ya'atë ëyo'on.

Biblia Mixe de Quetzaltepec

³ Ënät ja Wintsën të t'akajpxtuky ja ëyo'on mëti'ipë ënäty të tuknipëjktaakën ets të y'ënä'äny: Ka'ap tyunanënëpë ya'atë ëyo'on.

Amós 7:3 ပူးပေါင်းရင်းမြစ်များ

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Jonás 3:10

Ojts yë Dios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënety të tnikäjpxyën.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Amós 7:6

Ënet ja Wintsën të t'akajpxtuky ja ëyo'on mëti'ipë ënety të tjatuknipëjktaakën ets të y'ënä'äny: Ka'ap tyunanënëpë ya'atë ëyo'on.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Salmos 106:45

ënety ojts tja'amyetsy ja käjpxytyu'unën mëti'ipë ënety mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Dios winpity atëjy ets mtso'oktëty. Tuunp ni'ik ko ja oyjyä'äy Dios tja'amyetsy.

Jeremias 26:19

¿E ojts yë Ezequías yajkutujkpë ets naax kajpn tyaj'ooktë ja Miqueas? Ka'ap, ni'ikyënëm ojts yë yajkutujkpë tsë'ëkë ja Wintsën ets ni'ikyënëm ojts y'ënä'äny ko wä'än yë Dios tpokymye'kxy ja naax kajpn. Ënet ja Wintsën ka'ap tkejxy ja ëyo'on jotmay mëti'ipë ënety të tjatuknipëjktaakën tkäxa'any. ¿Ets ënät ëëtsajtëm ja nëë poky mëjpë këjääpë nnätyukpatëmëtyë ko tu'uk ja ja'ay nyaj'o'kmëty ka'apë tii poky tmëëtëtyë?

1 Crónicas 21:15

Ja Wintsën ojts tuknikexy ja kyukäjpxy ets nëjkx tyajkutëkoy ja Jerusalén kajpn. E ko ënety jam jëtu'un ja Wintsën ja kyukäjpxy may yaja'ay'o'knë, mëk ja Wintsën ojts tjaja'awënë, ënät t'ënëmaay jatëkok ja kyukäjpxy: Wä'än yi'iyë, këtii m'ëk tuuntëkooynyëty. Ja Wintsën ja kyukäjpxy jam ënety yajpaaty ma tu'uk ja'ay nyaaxjotmën mëti'ipë txëëwajtpën Ornán, Jebús ja'ay, tsajpmok ënety jam yajmujkpy.

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Salmos 90:13

Wintsën, niwinpijtëkës jatëkok Këtii mpo'oxy. Tun yë mëyajtën, mëët'at pa'ëyo'owën mëët ya'atë ja'ayëty mëti'ipë mmëtuunëtëpën.

Jeremias 42:10

Pën miitsëty mwë'ëma'antë yaa tsënääpyë ma ya'atë it naaxwiinyëtën, tyam mputëkëtëty ets jotkujk mjuuky'atëty; ka'ap nyajkutëkoytyëty, ni'ikyë nëjkx nkojtë nma'kxtë tä aay ujts yajkojyën ets ka'apë nijëna'a yajwijxë'ëkyën, jä'ä ko nmëkja'apës ko miitsëty ja ëyo'on të ntuknikäxtë.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Éxodo 32:14

Yë Dios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Salmos 78:38

E yë Dios mëj këjää yë pa'ëyo'owën najts'ëyo'owën tmëët'aty, nyimä'kxëp ja pyoky ets ka'ap tyajkutëkooynyëpë; kanaak ok jëtu'unyë tyajninajxy ja tsyip y'äkë, ets ka'ap ojts nëkooyë tunyë këwentë ko jya'ëwa'antäky.