Amós 7:12 - Biblia Dc en Mixe de Quetzaltepec

¹² Ënet ja Amasías ojts t'ënëëmë yë Amós: Jëwa'ak yaa mijts käjpxynyajxpë. Pën mtsojkpy ets mjuuky'atëty ma nkäjpxynyajxpë'atyën, jam nëjkx Judá;

Biblia Mixe de Quetzaltepec

¹² Ënät ja Amasías ojts t'ënëëmë yë Amós: Jëwa'ak yaa mijts käjpxynyajxpë. Pën mtsojkpy ets mjuuky'atëty ma nkäjpxynyajxpë'atyën, jam nëjkx Judá;

Amós 7:12 ပူးပေါင်းရင်းမြစ်များ

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

Mateo 8:34

Tääts ja ja'ay jam ni'ëmukë tsyo'ontaaytyë kajpnjotm ets ojts nyëjkxtë ma ja Jesúsën ets ko jëtu'un t'ijxtë, ënät ja Jesús tmëpëjktsoowtë ets pyëtsëmëty jam y'itjotmëty.

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Hechos 16:39

Tä ja kutuunk ojts nyëjkxtë ma ja Pablo ets ja Silas jamëtyën ets yajpëtsëëmëtë je'eyëp ko jëyëjp ja mä'kxën tpëjktsoowtë ma ja Pablo ets ja Silas: Tuntë mëyajtën, pëtsëmtë yaa kajpnjoty.

Lucas 13:31

Tam ja fariseë ja'ayëty mëti'ipë ja'ajtën ma ja Jesús jamën ets t'ënëmaaytyë: Nikë oy ko mtsoonëty yaa ets mnëjkxëty wiinktsow, jä'ä ko myaj'ookanëp yë Herodes.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Amós 2:12

Miitsëty ojts xy'atsip'atë ja nazareo ja'ay ets y'uukëty myu'ukëtëty ets xy'akajpxtujktë ets këtiipë yë käjpxynyajxpë tnimëtya'akëty ja n'ayukës.

Ezequiel 13:19

Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

1 Samuel 2:36

Ja ja'ayëty mëti'ipë të jyaakwë'ëmtën juuky ma ja m'u'unk mto'oxytyëjkën nëjkxëp je'eyë jyaak tuunk'amëtowtë ets ja ëna'antëp jeexyë tii yiin wään tjaaktuntë ma ja teetytyëjkëtyën këtiipë yuu'ooktëty.

Amós 7:11

Jëtu'un ja'ay t'ënëmaay: Yë Jeroboam kupuxy y'ooka'any ets tëkokyë yë Israel kajpn tsumy matsy nyëjkxta'aja'antë wiink naax wiink kajpn.