Amós 6:5 - Biblia Dc en Mixe de Quetzaltepec

⁵ ets ënät nitsuu nipoj mxu'uxtë mwoptë; m'ëna'antë ko jëtu'un ja David ijty xyu'uxy wyopy, kë'ëm xytsyätstë ja mxuxnëty ets ja mwojpnëty;

Biblia Mixe de Quetzaltepec

⁵ ets ënät nitsuu nipoj mxu'uxtë mwoptë; m'ëna'antë ko jëtu'un ja David ijty xyu'uxy wyopy, kë'ëm xytsyätstë ja mxuxnëty ets ja mwojpnëty;

Amós 6:5 ပူးပေါင်းရင်းမြစ်များ

Isaías 5:12

Xuxpë wojpë, ëëwpë koowpë mëët mxëëwtuntë, ka'ap ja ka'ayën ukën y'ëmaaytyä'äky ma kaaypyäjnën; je'eyëp ko tëë xyjyä'äytyëkooynyëtë mëti'ipë Dios të tunyën, ka'ap xy'ëkja'amyäjtsnëtë mëti'ipë të tyajkojyën.

Amós 5:23

Këtiis nëkoo xywyin'ëwtëty. Nijënu'unës nkamëtowa'any ja m'ëëwpë mkoowpëty.

Amós 8:3

Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Eclesiastés 2:8

Tëë nipëjkpetyës may yë pu'ts pujxn, poop pujxn, wit meeny këtiinëm jyëtu'un'atë mëti'ipë jëyëjp të yajkutuktë. Tëës nmëët'aty yë xuxpë wojpë, ëëwpë yaxpë, kanaakës yë to'oxytyëjk të nmëët'aty ets tëëjës yë njuukyajtën yajxon ntukxony.

1 Crónicas 23:5

Nimajktaxk mil mëti'ipë kyëwent'atëpën ja tëjk'aaw ets wiinkpë ja nimajktaxk mil mëti'ipë xëmë ja Wintsën wyin'ëw wyinya'axtëpën, tyaj'ëna'antëty ja xyuxnëty y'akëty tukwinxu'ux tukwinwoptëty ja Wintsën.

1 Crónicas 15:16

Ojts näjyëtu'un ja David tni'ënä'ämë ets twin'ixtëty ja ja'ay ma ja Levíjën mëti'ipë ëwtëp ya'axtëpën ets jä'ä xyu'uxtët wyoptëty, tpëjkta'aktëty ja mëto'owën mëti'ipë yajkëxë'ëktëpën ko jyam'aty ja jotkujk'ajtën.

Génesis 31:27

¿Wi'ix ko të xywyin'ëënyës ets jëtu'unyë të mke'eky, nitii të xykyatuk'ëwaanës? Koos jeexyë të nnijawë, oy tsuj jeexyë të n'ëxmatsy mëët yë xuxpë wojpë ets ëëpë koopë.

Ezequiel 26:13

Jëtu'unës nyajjëjptuka'any ja m'ëy myä'äxy ets ka'ap y'ëkyajmëtowanë yë mkow.

2 Crónicas 29:26

Yë Leví ja'ayëty jä'ä yajtuuntëp ja xuxn mëti'ipë ja David ijty yajtuumpyën, e ja teetytyëjkëty jä'ä ja xuxn myëët'ajtëp.