Amós 6:3 - Biblia Dc en Mixe de Quetzaltepec

³ Miitsëty ka'ap xytsyoktë ets xynyijawëtëty wi'ix ëxëëk myinyën ja xëëw po'o, je'eyëp ko nijawëtë ko miits kë'ëm yë ëyo'on të xyaxtsowtë.

Biblia Mixe de Quetzaltepec

³ Miitsëty ka'ap xytsyoktë ets xynyijawëtëty wi'ix ëxëëk myinyën ja xëëw po'o, je'eyëp ko nijawëtë ko miits kë'ëm yë ëyo'on të xyaxtsowtë.

Amós 6:3 ပူးပေါင်းရင်းမြစ်များ

Salmos 94:20

Mijts ka'ap tjëkyepy mnäy'oyjyawëtëty mëët yë yajkutujkpë mëti'ipë ka'ap tii oy yajxon tnipaye'eyën, mëti'ipë aak tëkatsy winë tyuuntëpën ets ka'ap jyëtu'unëty tä ja ënä'ämën myinyën,

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Lamentaciones 4:5

Mëti'ipë ku'uxyë të kyäy të y'uuktën, tyam yë'ë yuu'o'ktëp në'ëjoty tu'ujoty. Mëti'ipë të yaak të pyatën akujk jotkujk mëët yë wit meeny, pu'uxmjotypyën yajpatnëtë.

Ezequiel 12:22

¿Tiitën yë Israel ja'ayëty jyatijantëp ko y'ëna'antë: Ix jënu'un yë xëëw jëmëjt të nyajxnë, mëti'ipë ja käjpxynyajxpëtëjk të tja''akajpxtën ka'ap nyäky tyuny nyäkjyätyë?

Ezequiel 12:27

Jëtu'un yë Israel ja'ayëty y'ëna'antë ko ja mwinkuma'ay mëti'ipë mnikäjpxypën jä'ä mëti'ipë jäänëm jëna'a atëwaanpën.

Ezequiel 23:42

Jëtu'un yajmëtoownë tä ja'ay xyëëwtunyën ko ya'axtë jyoktë; jä'ä xiktëp ëwë'ktëp ja ja'ayëty mëti'ipë ënety jam të tsyoontën të'ëts'itjotm, mëti'ipë ja to'oxytyëjk y'oytyuuntëpën ko tpëjktakëtë ja oyëtypë ja kyë'ëjän ets ja kyujän.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 5:12

Ëjts nija'apës wi'ix mëj këjää të tyuuntëkoytyën ets wi'ix myäyëtyën ja nyëë pyokyëty: Yë'ëjëty, yaj'ëyoowtëp ets tyiytyuuntëp yë ja'ay ka'apë tii tuuntëkoyën; nyimeenypyëjktëp ko tii tuuntëkoytyë ets ko jam yajpaatë ma ëyoopëja'ay yajnipaye'eyën yë'ë ëyoopëja'ay yajnitujkëtyëp ets yajtsum yajmatsëty.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.

Mateo 24:48

E pën tääpë mëtuunpë ëxëëk ja jyot wyinma'any, ets myäyëty tyajëty ko ja wyintsën ka'ap tsyojkwinpita'any

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

2 Pedro 3:4

ets tyajtëwa'antë: ¿Wi'ix ko jëtu'un ja Dios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.