Amós 6:14 - Biblia Dc en Mixe de Quetzaltepec

¹⁴ E mëmay mëtajtë yajxon, miitsëty Israel ja'ayëty; yë Wintsën, Dios mëti'ipë maaytyääyëpën winë, jëtu'un y'ënä'äny: Nkäxäämpyës tu'uk yë naax kajpn mëti'ipë nëjkx ëxëëk mtunëtën ets nëjkx mëktuunk mtuktunëtë, jampaat anëkëxmtsow ets ëpa'tkë'ëmtsow.

Biblia Mixe de Quetzaltepec

¹⁴ E mëmay mëtajtë yajxon, miitsëty Israel ja'ayëty; yë Wintsën, Tios mëti'ipë maaytyääyëpën winë, jëtu'un y'ënä'äny: Nkäxäämpyës tu'uk yë naax kajpn mëti'ipë nëjkx ëxëëk mtunëtën ets nëjkx mëktuunk mtuktunëtë, jampaat anëkëxmtsow ets ëpa'tkë'ëmtsow.

Amós 6:14 ပူးပေါင်းရင်းမြစ်များ

2 Reyes 14:25

Ja Jeroboam ojts jatëkok ja tsëpa'an tpëjktä'äky ma ja Israel ja nyaaxjotëtyën, tsyo'ontä'äky jam Hamat ets jyä'ty Arabá mejy ëkë'ëm, timjëtu'un tä ënety ja Wintsën të tnikäjpxyën, mëti'ipë jam Israel yaj'ëwtajtpën, mëët ja tyuunpë Jonás, myaank yë Amitai, jampë kyukajpnëtyën Gad-héfer.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Ezequiel 47:20

E xëëwkëtä'äky tsyowpë ja tsëpa'an, jam nëjkx nyäxy ma Mejyën Naax'akujkpyë y'itjotmën, tsyo'onta'akëty jam ma mëët yë Egiptë tyu'kmëtsëpa'anëtyën ets jya'tëty jampaat ma mejypya'ajën ma tsyo'ontaknën yë Hamat y'itjot.

Amós 3:11

Paaty yë Wintsën y'ënä'äny mëti'ipë Tios'ajtpën: Tu'uk ja mëtsip tyajnatuka'any ja naax kajpn, jyijtë'ëkäämpy ja potsy ma ja këwent'ajtpë y'itën ets tyajpëtsëëmta'aja'any tiijaty japën ma kutujkëntëjkën.