Amós 6:13 - Biblia Dc en Mixe de Quetzaltepec

¹³ Nëkoopë nyanatëkë'aty ko mxoonta'aktë ets m'ëna'antë: Mëët ko ja jot mëjaaw të n'ijxëmë paaty ja ënä'ämën kuttujkën të mpatëmë.

Biblia Mixe de Quetzaltepec

¹³ Nëkoopë nyanatëkë'aty ko mxoonta'aktë ets m'ëna'antë: Mëët ko ja jot mëjaaw të n'ijxëmë paaty ja ënä'ämën kutujkën të mpatëmë.

Amós 6:13 ပူးပေါင်းရင်းမြစ်များ

Santiago 4:16

Miitsëty, amëj akëjxm tii xykyajpxtë ets ya'atë jëtu'unpë amëj'ajt akëjxmajtën, ka'ap y'oyëty.

2 Reyes 14:25

Ja Jeroboam ojts jatëkok ja tsëpa'an tpëjktä'äky ma ja Israel ja nyaaxjotëtyën, tsyo'ontä'äky jam Hamat ets jyä'ty Arabá mejy ëkë'ëm, timjëtu'un tä ënety ja Wintsën të tnikäjpxyën, mëti'ipë jam Israel yaj'ëwtajtpën, mëët ja tyuunpë Jonás, myaank yë Amitai, jampë kyukajpnëtyën Gad-héfer.

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.

Juan 16:20

Tëy nëëmëtë, ko nëjkxëp mjë'ëtë mya'axtë ets mmontë mtuktë ma ënety ja ja'ay xyoonta'aktën mëti'ipë yajtuuntëpën ja naaxwiinyëtë winma'any; e oy ënety y'ëkjëtu'unëty ma miits jam mmontë mtuktën ets mjë'ëtë mya'axtën, ja mjë'ëyënëty myaxënëty ets ja mmo'onënëty mtukënëty jä'ä nëjkx y'awinpity xoontakën.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënety mijts të xykyäjpxykyumëtoownaxyësën, jä'ä ko tëëjës ënety nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Jonás 4:6

Yë Wintsën ojts jam tyajyonë'ëky tu'uk yë tsi'iw aats, jam kyëxyony ma ja Jonás ja tyëjkxo'omyën, japts ja Jonás y'ity niktujkp akujk jotkujk.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Jeremias 50:11

Miitsëty Caldeo ja'ayëty mëti'ipë mä'tstën yë nnaax nkajpnës, ätstë xoonta'aktë. Nëpëkax yujkpëkaxtë jëtu'un tä tu'uk tsajpkaani'kxën mëti'ipë ujtsjoty tënääpyën ets m'ajëjtëty tä tu'uk kwaayën.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Isaías 7:1

Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënety yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Job 31:29

Ka'apës nijëna'a yë nmëtsip të ntukxoontä'äky ko ëxëëk të jyäty të kyëpety ets oy tii ëyo'on jeexyë të nyimiinëtë.

Job 31:25

Ka'apës të n'ëna'any ko yë wit meeny yë'ëjës ntukjotkujk'ajtyp ëkë të n'ëna'anyës ko may yë wit meeny nmëët'atëtyës.

Job 8:15

Oy jënu'un jam jyanäkyumatsëtëty poj'am pyojtuka'any; wi'ix nyäkyumatsa'anyë ma tu'uk yë poxmtä'äkyën.

2 Reyes 13:25

Ënet ja Joás, mëti'ipë ja Joacaz myaank'ajtypyën ojts tpëjkëtyä'äy ja Ben-adad ja naax kajpn, mëti'ipë ënety të yajpëjkën yë Joacaz, mëti'ipë tyeety'äjtypyën, ko tsyiptuuntë. Ets ja Joás, jä'ä ojts tmëmëtä'äky yë Ben-adad tëkëëk'ok ets jatëkok tjä'äpëjky ja Israel ja nyaax kyajpn.

1 Samuel 4:5

Ënet ko jam jyä'äjty ja Wintsën ja kyaaxë mëti'ipë ja käjpxtyu'unën myë'ijtypyën, ja Israel ja'ayëty ënät tyëjkëtyë yaxpë jojkpë ets janty mëk ja naax tsyëyuuypyijky.

Jueces 9:27

Ënet ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Job 8:14

Mëti'ipë të tuk'ijxpätën ets mëti'ipë të tukjotkujk'atën jëtu'un yë nyäxy tä piityën ëkë tä poxmtä'äkyën.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 75:4

Yë ëxëëkja'aytyëjk mëti'ipë nämyëjja'aw näjyääntyja'awëtëpën tyaajës n'ënëëmëtë: Këtii nëkoo mnäkyumayëtë ets janty mëj janty këjxm mnäyajnaxëtë;

Salmos 75:5

këtii nëkoo janty yë'ë xykyatuk'ëmontë ko winë mmayëtë, ets këtii nëkoo këxy këpety mtimy'ëna'antëty ko mmëtya'aktëty.

Zacarías 1:19

Ënätës nyajtëëy ja tsajpjotmëtë kukäjpxy wi'ix nyiwija'any tääpë taxkpë tsajpkaawaj, etsës xy'ëtsooy: Ya'atë tsajpkaawaj taxkpë xy'ixyën yë'ë nyikäjpxyp yë yajkutujkpëtëjk mëti'ipë ojts t'ëxwoptën ja Judá ja'ayëty, Israel ja'ayëty ets Jerusalén ja'ayëty ets tnajtswojpëtyë ma wiinkëtypë naax kajpnën.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Ezequiel 29:9

Aanë'ëk tëëtsë'ëk mkawinpita'any ets ja ja'ay t'ijxkaptëty ko ëjts Wintsën. Mijts jëtu'un m'ënany: Yë Nilë ëjts yë njä'ä, ëjtsës n'oytyuun.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.