Amós 6:1 - Biblia Dc en Mixe de Quetzaltepec

¹ Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Biblia Mixe de Quetzaltepec

¹ Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Amós 6:1 ပူးပေါင်းရင်းမြစ်များ

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

Salmos 123:4

Tëës jeky ëxëëk njatë nkëpätë ko je'eyë xynyëxi'ik xytyukxi'iktës ja kumeenyjyä'äytyëjkëty, mëti'ipë amëj akëjxm ja'ay'ajtëpën ets ixtijy ëxwa'anyës xyaj'itë.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Jeremias 48:11

Yë Moab ja'ayëty jotkujk xëmë të jyuuky'atë, nijëna'a muum të kyanëjkxtë tsum matsy wiink naax wiink kajpn. Jëtu'un tä tu'uk yë tsatym nyëë tëëpë nyimaanaxyën tu'tsjotypë y'ityën ets ka'ap ëpëky yajtäämnaxy wiink tu'tsjoty, xëmë xu'kx jyawë ets pa'ak xëmë y'ity.

Jeremias 49:31

Ëjts mëti'ipë Wintsën'ajtpën, jëtu'unës të n'ëne'emy: Nëjkxtë, nëjkx yajkutëkoytyë yë naax kajpn mëti'ipë jotkujk yajpatpën ets mëti'ipë ka'ap tii tmay tajyën, ja naax kajpn mëti'ipë ëwa'ats'ijtpën, ka'apë y'awiityën mëët yë pujxn, atu'kpajkpë yajpaatyën.

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënety të tkäjpxykyumëtoownaxtë ja Dios, ka'ap të tkupëktë ets tmëmëtowtëty.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Amós 8:14

Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Miqueas 3:1

Mëtoow'itë miits tyam, Israel yajkutujkpëty ets Israel wintsëntëjkëty, ¿Këtii jëtää mpaatëtë miitsëty xynyijawëtëty ja mëtëypyë ets ja jaantypë nipaye'eyënë?

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Santiago 5:5

Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.

1 Pedro 5:7

Tukë'ëtëkëtë ja Dios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.