Amós 5:27 - Biblia Dc en Mixe de Quetzaltepec

²⁷ Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Biblia Mixe de Quetzaltepec

²⁷ Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Tios mëti'ipë maaytyääyëpën winë ets jëtu'un txëëwaty.

Amós 5:27 ပူးပေါင်းရင်းမြစ်များ

1 Reyes 14:15

Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Jeremias 38:17

Ënet ja Jeremías t'ënëmaay ja Sedequías: Jëtu'un yë Wintsën y'ënä'äny mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën mijts tu'ktonyë mnäkyë'ëyäkyë ma Babilonyë tsiptuunpëtëjkëtyën, mnäyajtsokëp ënety mëët ja m'u'unk m'ëna'k, m'u'unk mto'oxytyëjk ets ja naax kajpn ka'ap nyitoyëty.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Amós 5:26

Tyam yë'ë mtsëëmjëtijtëp yë awinax mëti'ipë txëëwajtpën Sicut ets yajkutujkpën xy'ixtë, mëët yë myëtsa'a mëti'ipë mtijtëpën Quiiún, mëti'ipë wiink tios y'awinax'ajtypyën ets kë'ëm të xyajkojtë.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Amós 6:7

Mijts nëjkx jëyëjp mnëjkxtë tsumy matsy wiink naax wiink kajpn, jää nëjkx kyixy nyäxy ko je'eyë të mxëëwtuntë.

Hechos 7:43

Tëkatsy miits winë të xytyuntë, tëë ja Moloc ets ja mëtsa'a Refán ja tsyajptëjk xyaj'ujtstaayëtë mëët ja awinax mëti'ipë kë'ëm të xyajkojtën ets xy'ëwtata'antë. Paaty miits nkäjxpëtsëma'antë ets myajmënëjkxtëty tsumy matsy jam Babilonyë. Ënet ja Esteban jyaak'ënany: