Amós 5:16 - Biblia Dc en Mixe de Quetzaltepec

¹⁶ Jëtu'un yë Wintsën y'ënä'äny mëti'ipë maaytyääyëpën winë: Jë'ëyën yaxën itaanp në'ëjoty tu'ujoty, xiitsow yaatsow muum ja'ay jyë'ëja'an ya'axa'antë mëët ja pëjkën ijxën. Nëjkxëp tmëkajpxmuktë ja naaxtuunpëtëjkëty ets myintëty jëëpyë yaxpë ets mëti'ipë tyukjajtëpën ya'axtëty nëjkxëp twowtë.

Biblia Mixe de Quetzaltepec

¹⁶ Jëtu'un yë Wintsën y'ënä'äny mëti'ipë maaytyääyëpën winë: Jë'ëyën yaxën itaanp në'ëjoty tu'ujoty, xiitsow yaatsow muum ja'ay jyë'ëja'an ya'axa'antë mëët ja pëjkën ijxën. Nëjkxëp tmëkajpxmuktë ja naaxtuunpëtëjkëty ets myintëty jëëpyë yaxpë ets mëti'ipë tyukjajtëpën ya'axtëty nëjkxëp twowtë.

Amós 5:16 ပူးပေါင်းရင်းမြစ်များ

2 Crónicas 35:25

Ojts yë Jeremías tu'uk yë ëy tyuknijayëty ko y'oky tyëkooy. Mëti'ipë tyampaat je'eyëm y'ëëwtëpën ko pën y'ooky mëti'ipë tyukja'amyäjtstëpën ja Josías. Ya'atë ëy xëmë t'ëwtë yë Israel ja'ayëty ets aak myëët'ajtëp yë ja'ayëty ma y'iynyokyëtyën.

Isaías 15:8

Aak y'amëtoowtëp ja'ay ja näypyutëkë jampaat Moab, ma tsëpa'anën; aak jëëy aak yaxtëp ja'ayëty jampaat Eglaim ets Beer-elim.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Jeremias 30:5

Jëtu'un yë Wintsën y'ënä'äny: Tsë'ëkë jawë ja'ay yajmëtoy yä'äxy jyoky, tsë'ëkë je'eyë jää'ajtp ets ni pën kyajjotkujk'aty.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Jeremias 9:16

Nyaj'aye'eyëjantëpës ma wiinkëtypë naax kajpnën ma ka'ap t'ixy'atën ets ma ka'ap t'ixyajtën ja y'aptëjk; tëypyujxn nëjkx yajtukpajëtitë oy tyimmaajëty koonëm y'o'kta'atëty ets nitu'uk kyawë'ëmtëty.

Oseas 4:3

Paatykyëjxm yë naax kajpn jëtu'un yaj'ixy o'kën tëko'oyën yowë të y'ity; ets jëtu'un yaj'ixy ka'ap yowë pën mëk'ajtën t'ëkmëët'ajnë; ets y'o'ktaaynyë ja aayjëyujk ujtsjëyujk, joon jëyujk ets nëë jëyujkpaat y'o'knë.

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënety të xyjyakoj të xyjyani'iptën ets tsajpmok ets cebadë mya'ata'aja'any.

Joel 1:14

Mëkajpxmujkta'atë yë naax kajpn ets y'ayuu'atëty; yajmujkta'atë yë yujkyeekytyëjkëty ets mëjja'aytyëjk ets nitëkokyë ja'ayëty jap tsajptëkoty ets tmëkajpxtëty yë Wintsën.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Joel 1:8

Tä tu'uk yë to'oxy'ëna'k jyi'iy yä'äxyën mëti'ipë pëkaanpën ko tëë y'ooky ja naaxwiinyëtë ja'ay mëti'ipë ënety mëët të jyapëka'anyën,

Amós 3:13

Yë Wintsën, yë Dios mëti'ipë maaytyääyëpën winë, jëtu'un y'ënä'äny: Mëtoow'itë ets xynyijawëtëty wi'ix yë Jacob yë nyaax kyajpn jyata'anyën,

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Amós 8:3

Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Miqueas 1:8

Paatyës nya'axa'any mon tuk; tekywya'atsës njëtita'any, koos nya'axëty jëtu'un yajmëtowa'any wax yowë yaxp ëkë jëtu'un tä yë pakëtsey yä'äxyën.

Miqueas 2:4

Jä'ä xëëw nëjkxëp miitsëty myajtukwin'ëwtë ja ëy mëti'ipë yajjëëy yajyaxpën. Jëtu'un myaj'ënëëmëtë: Tëë yajxon ntimy y'atëko'oytyä'äyëmë; ja nkajpn'ajtëmë, mëti'ipë ja Wintsën kyajpn'ajtypyën tëë ja nyiwintsën tyëkatsy ets ka'ap pën wi'ix të y'ënä'äny; yë nkam'ajt ntu'u'ajtëmë yë'ë të tpëjkwa'kxtë yë ja'ayëty mëti'ipë të xymyëmëtakëmën.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Apocalipsis 18:19

Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.