Amós 4:9 - Biblia Dc en Mixe de Quetzaltepec

⁹ Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Biblia Mixe de Quetzaltepec

⁹ Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Amós 4:9 ပူးပေါင်းရင်းမြစ်များ

1 Reyes 8:37

Ko ënety jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

2 Crónicas 6:28

Ko ënety jyam'aty ja yuu xëëw ma ja naax kajpnën, ëkë jyam'aty ja pa'am ëyo'on, ëkë y'aanë'k tyëëtsë'knëty ja naaxwiinyëtë; ëkë jyam'ajtnëty ja yuu pa'am, ëkë ja jëyujk mëti'ipë ja aay ujts yajwintëkoopyën, ëkë tsu'tspë nä'ämpë jam y'ijnëty; ëkë ko ja mëtsip ja naax kajpn tyajnatujknëty, ëkë oynatii ëyo'on natii jotmay myinëty kyëtaknëty,

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Joel 1:4

Wa'ats yë mu'u të tjë'kxta'ay yë pëjktä'äky, mëti'ipë ojts jyaakwë'ëmyën wiinkpë të myintë ets të yajkëxyë.

Joel 1:7

Yë'ë të tyajkutëkooytya'atë yë tsatsymkyam, tëë tyajkëjxta'atë yë higos kepy; wa'ats të tnikä'ptuta'atë; poopëm të tyajwinwatsnëtë.

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Amós 4:6

Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Amós 4:8

ojts ja'ay winnaax winkajpn tpajëtitë yë nëë ets ka'ap ku'uxyë nyëë'uktë ko nëë wäänë tpatë; e miitsëty ka'apës ojts xynyiwinpitë. Jëtu'un yë Wintsën y'ënä'äny.

Habacuc 3:17

Ënätës ntukxoonta'aka'any ja Wintsën mëti'ipë yajnitsokpën. Je'eyëmës nmëjjawëja'any nkënu'kxyjyawëja'any yë higo kepy, tsatym kyepy ets olivë'aats oy ka'ap yë pyijy t'ëk pëjktaknëty ets kya'ëktëëmpäjnëty; oy jam kamjotm tii kya'ëkwintëëwnëty; oy kya'ëknimayënëty yë kupixyny ets tsajpkaa ma ku'ëkemy yajpaatën.

Hageo 2:17

Ëjts ojtsës nyajma'ta'ay mëët yë tëtsn tuu yë mpëjktä'äkyëty ets pya'amtëjkëtyääy, e miitsëty ka'apës xyjyä'ämyajtstë. Ëjts Wintsën, ëjts ënaanp.

Malaquías 3:11

Ka'apës n'ëwa'atsa'any ets mu'u tyajwintëkoytyëty yë pyëjktä'äkyëty.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Deuteronomio 28:42

Tëkokyë yë aay ujts, aay kepy, mëti'ipë yajpatpën ma mijtsën, nëjkxëp tyëëtsë'kta'ay ets mëti'ipë ënety jaakwë'ëmpën tsuxk mu'u nëjkx tjaakyajkëjxta'ay.