Amós 4:6 - Biblia Dc en Mixe de Quetzaltepec

⁶ Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Biblia Mixe de Quetzaltepec

⁶ Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Amós 4:6 ပူးပေါင်းရင်းမြစ်များ

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 18:2

Ënet ojts ja Elías jyänty nyijkxy ets ja Ahab jam twinkuwa'këy. Ja yuu xëëw yajxon ënety jam ni'ikyë myëjë kyëjääjënyë.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Reyes 8:1

Ënet ojts ja Elisejë mëët myëtyä'äky ja to'oxytyëjk mëti'ipë ja y'u'unk të tyajtsokën ets t'ënëmaay ets nyëjkxtëty wiinktsow tsënääpyë, jä'ä ko tëë ënety ja Wintsën tyuk'ëwa'anxëty yuu wëxtujk jëmëjt itaanp ma tääpë kajpnën.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 3:1

Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 16:27

Ënet ojts nyajnitukë ets xykyumëtowëty ja mpoky, ojts njëpëjkta'ayës yë mjë'kxy mpëky ets ja Filistejë ja'ayëty ntukkë'ëtëjkëy mëti'ipë m'ëxëëk ijxëpën ets ka'ap ënety t'oy'ixy ijxtëm m'ëtë'ëtsy m'ëna'anyën oytyuktsëtyuunë.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

Joel 1:16

Yajxon n'ijxëmë wi'ix yë një'kxy'ajtëm mpëky'ajtëm nyajpëjkëmë ets jap tsajptëkoty tëë kyixy nyäxy ja xoontakën.

Hageo 2:17

Ëjts ojtsës nyajma'ta'ay mëët yë tëtsn tuu yë mpëjktä'äkyëty ets pya'amtëjkëtyääy, e miitsëty ka'apës xyjyä'ämyajtstë. Ëjts Wintsën, ëjts ënaanp.

Deuteronomio 28:38

Janty may yë mtëëmpt xyjyani'ipëty, ja mpëjktä'äky wäänë nëjkx xyajwinmujknë. Jä'äkyëjxm ko maymyu'u nëjkx tyajpa'amtëjkëtyä'äy.

Apocalipsis 2:21

Tëës nmo'oy ja tiempo ets jyootwinpitëty; je'eyëp ko yë'ë ka'ap tmajtstu'uta'any ja y'ëxëëktu'unën.

Rut 1:1

Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.