Amós 3:8 - Biblia Dc en Mixe de Quetzaltepec

⁸ ¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Dios tni'ënä'ämë ets tu'uk yë ja'ay kyajpxëty?

Biblia Mixe de Quetzaltepec

⁸ ¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Tios tni'ënä'ämë ets tu'uk yë ja'ay kyajpxëty?

Amós 3:8 ပူးပေါင်းရင်းမြစ်များ

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Amós 3:4

ko yë kaa myu'uy nyiitsy yuukjoty paatykyëjxm jyëtu'unëty jä'ä ko tëë tmatsy ja jëyujk mëti'ipë tsyu'utsäämpyën; ko yë kaa u'unk y'ajëjy jap y'aankjoty paaty jyëtu'unëty jä'ä ko tëë tii tmatsy;

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Amós 1:2

Ko yë Wintsën tyajmëtoyë yë y'aaw y'ayuk, jëtu'un yajmëtoy tä ënääwën jam Sión, jam Jerusalén, tim xo'tstääpy yë aay ujts ets tim nitëtstutääpy yë Carmel kopk.

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

Amós 2:12

Miitsëty ojts xy'atsip'atë ja nazareo ja'ay ets y'uukëty myu'ukëtëty ets xy'akajpxtujktë ets këtiipë yë käjpxynyajxpë tnimëtya'akëty ja n'ayukës.

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Dios nmëmëtowtëtyës, këtiinëm ja ja'ay.

Hechos 5:20

Nëjkxtë jam ma mëjtsajptëjkën ets xytyuk'ëwaanëtëty ja ja'ay ya'atë aaw ayuk mëti'ipë yajjuuky'ajtpën.

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënety myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Ezequiel 29:21

Jä'ä xëëw jä'ä jëmëjt nyajkëjääjëja'anyës yë jyotmëk'ajtën yë Israel kajpn ets mijts Ezequiel jotkujk xytyim mëëtkajpx xytyim mëmëtya'akëty. Ënet nëjkx tnijawëtë ko ëjts Wintsën.

Isaías 21:10

Naax kajpn mëti'ipës nnaax'ajtyp nkajpn'ajtypyën, mëti'ipë jëtu'un tä tsajpmokën të yaj'ateeny të yajtukteenyën, tyam ntuk'ëwaanë mëti'ipës të nmëtoyën, mëti'ipës të xytyuk'ëwaanën ja Wintsën mëti'ipë maaytyääyëpën winë, mëti'ipë ja Israel ja'ay y'ëwtajtëpën.

Jeremias 26:12

E ja Jeremías ojts tmëkäjpxy ja kopktëjkëty ets ja mayjyä'äy ets t'ënëmaay: Yë Wintsën të xykyexyës etsës yë y'aaw y'ayuk nikajpxëty, yë'ëjës të xytyuknipëky ets jëtu'un yë naax kajpn ets tsajptëjk nimëtya'akëtyës ijxtëm të xymyëtowtën.