Amós 3:7 - Biblia Dc en Mixe de Quetzaltepec

⁷ Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Biblia Mixe de Quetzaltepec

⁷ Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Amós 3:7 ပူးပေါင်းရင်းမြစ်များ

Génesis 18:17

Tä ja Wintsën ojts myäy tyäjy ets y'ënäny: Oy yowë kyopkpëkyëty etsës yë Abraham ntuknijawëty mëti'ipës ntunäämpyën.

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

2 Reyes 22:13

Nëjkx mëpëjktsowtë yë Wintsën, mëët ëjts, mëët yë naax kajpn ets mëët tëkokyë mapaat yë Judá naax kam tnitänën ets xyajtëwtëty wi'ix tyaapë noky y'itëty mëti'ipë të yajpaatyën ets mëti'ipë nyimëtyäkpyën; wä'änxyëp yë Wintsën mëk xytyukjoot'anpëjkëm, ko ja nteety'ajt n'ap'ajtëm ka'ap të tpatuntë ets ka'ap ojts tmëjpëjkta'aktë ijxtëm ya'atë noky tjanikäjpxyën.

2 Reyes 22:20

Ko ënety m'ooky mtëkoy, akujk jotkujk m'ooka'any mtëkoyä'äny ets nëjkxëp xypyääty xy'ixy ja m'ap m'ok, ka'ap xynyijawëja'any ko ënety ya'atë ja naax kajpn o'ktëy jyajnë kyëpäjnë. Ja yajkutujkpë ja kyukajpxpë, ojts ja wyimpijnëtë ets tukmëmëtyaktaaytyë wi'ix ënety ja Wintsën të y'ëtsoowinpityën.

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Isaías 18:4

Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Jeremias 23:22

Ko jeexyë të tnijawëtë yë n'aaw n'ayukës yu'utsypë, tëë jeexyë tnikäjpxy tnimëtya'aktë yë n'aaw n'ayukës maas yë nnaax nkajpnën; ojts jeexyë tjëwowtë ma ëxëëk tu'ujën ets jeexyë t'ëxmajtstë ja y'ëxëëk juukyajtënëty.

Ezequiel 29:21

Jä'ä xëëw jä'ä jëmëjt nyajkëjääjëja'anyës yë jyotmëk'ajtën yë Israel kajpn ets mijts Ezequiel jotkujk xytyim mëëtkajpx xytyim mëmëtya'akëty. Ënet nëjkx tnijawëtë ko ëjts Wintsën.

Daniel 10:21

E tyam yë'ë yam ntuk'ëwaanëjäämpy mëti'ipë jap miinpën kuja'ay ma ja nokyën mëti'ipë myë'ijtypyën ja tëyajtën: Ëjts maas yam ntsiptunyën yi'iyës xypyutëjkëp yë Miguel, yë tsajpjotmëtë kukäjpxy mëti'ipë nyikopk'ajtypyën yë Israel kajpn.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Apocalipsis 1:19

Kuja'a mëti'ipë të xy'ixyën ets mëti'ipë tyam tuunëp jajtëpën ets mëti'ipë tunan jatanëpën ok.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Apocalipsis 4:1

Ko jëtu'un y'ëkjajty y'ëkkëpejty, ënätës n'ijxpaty ko ja tsajp y'ëwa'atsy ijxtëm tu'uk ja tëjk'aawën; ets ja ayuk nmëtooyës janty mëk ijxtëm tu'uk ja xuxnën, mëti'ipës ënety jëwyiin të xymyëkäjpxyën jëtu'unës xynyëmaay: Pät yam ets ntuk'ixëty mëti'ipë ok tunan jatanëpën.

1 Samuel 9:15

Ëxë'ëypyë ma jyata'anyën ja Saúl, Dios tëë ënety tuknijawë kuma'ayjoty yë Samuel ya'atë aaw ayuk.