Amós 3:14 - Biblia Dc en Mixe de Quetzaltepec

¹⁴ jä'ä ko jä'ä xëëw ma ënety yë Israel ja'ay n'amëtowtënës yë tyu'unënëty kyajpxënëty ets nyëë pyokyëty, nëjkxëpës nyajkutëkooytyä'äy yë wyintsë'këntyakn jampë Betel yajpaatyën; yë wyintsë'këntyaknëty wa'ats nëjkx nyëka'ata'ay yë wyaj ets nëjkx naaxkëjxy kyëtakta'ay.

Biblia Mixe de Quetzaltepec

¹⁴ jä'ä ko jä'ä xëëw ma ënäty yë Israel ja'ay n'amëtowtënës yë tyu'unënëty kyajpxënëty ets nyëë pyokyëty, nëjkxëpës nyajkutëkooytyä'äy yë wyintsë'këntyakn jampë Betel yajpaatyën; yë wyintsë'këntyaknëty wa'ats nëjkx nyëka'ata'ay yë wyaj ets nëjkx naaxkëjxy kyëtakta'ay.

Amós 3:14 ပူးပေါင်းရင်းမြစ်များ

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Crónicas 31:1

Ko kyijxy nyäjxy ja xëëw, ja Israel ja'ayëty ojts nyëjkxta'atë kajpntum ets tjijtë'ktaaytyë ja potsy ets ja tsaa mëti'ipë ënety ja ja'ay tyijtëpën ko myëj'ajtënmëëtëty ets tukjijtëtyääytyë ja Aserá y'awinax ets tëkokyë mëti'ipë ënety wiink yaj'ijxpën, jëtu'un ja mëti'ipë jam yajpatpën ma Efraín ja kyajpnën ets ma ja Manasés ja kyajpnën. Kom'oknëm ja Israel ja'ayëty nyëjkxtaaytyë ma jyëën tyëjkëtyën.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënety të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Amós 4:4

Nëjkxtë jam Betel ets jam Guilgal; tuuntëkoy kajpxtëkoytyë; yajnipätë mpokyëty ets käjpxy kumëtoownaxtë. Jopyëp mënëjkxtë mwintsë'kënëty ets wintëkëëk xëëw xyaktëty ja tu'ukpë xypyupëktën ma ja majk pëkpyën.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Amós 7:13

je'eyëp ko këtii tii xy'ëkkajpxnajxnëty Betel, jä'ä ko mëjtsajptëjk yë yaa ijtp mëti'ipë jyä'ä'ajtypyën yë yajkutujkpë.

Amós 7:9

Kutëkooytya'ajantëp yë tsajptëjk mëti'ipë jam yajpatëpën ma Isaac yë y'itjotmën ets tsajptëjk mëti'ipë jam yajpatëpën ma Israel yë kyajpnën, xit ko'ow jyajta'aja'antë. Ets nyaj'itäämpyës yë jëën tsip ma Jeroboam yë y'u'unk y'okën.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;