Amós 2:15 - Biblia Dc en Mixe de Quetzaltepec

¹⁵ Yë ti'pxpë ka'ap nëjkx myëtä'äky ets ka'ap yë'ëkyëjxmëty tsyo'oka'any, yë'ëpaat mëti'ipë japëyë'kpën mëk ets mëti'ipë ja käkpën kwaaykyijxy.

Biblia Mixe de Quetzaltepec

¹⁵ Yë ti'pxpë ka'ap nëjkx myëtä'äky ets ka'ap yë'ëkyëjxmëty tsyo'oka'any, yë'ëpaat mëti'ipë japëyë'kpën mëk ets mëti'ipë ja käkpën kwaaykyijxy.

Amós 2:15 ပူးပေါင်းရင်းမြစ်များ

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Jeremias 51:56

Të myintë ja myëtsip ets tyajkutëkoya'antë ja Babilonyë kajpn; tëë yajmajtsta'atë ja tsyiptuunpëtëjk ets ja tyi'px të yajtuktëjëtya'atë. Jä'ä ko yë Wintsën mëti'ipë Tios'ajtpën, myooytyääpy nitu'ukjaty ja'ay yë tëytyu'unën wi'ixjaty të tyuuntëkoytyën.

Ezequiel 39:3

Etsës ntëjtakta'aja'any ja ti'pxn mëti'ipë mmajts'ijtypyën ma m'anajnykyë'ëjën ets xymyajtska'ata'ajëty ja ti'pxnkepy mëti'ipë mmëët'ajtypyën ma m'a'oykyë'ëjën.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.