Amós 2:13 - Biblia Dc en Mixe de Quetzaltepec

¹³ E oy ko jyëtu'unëty, ëjts nyaj'anokëjäämpyës yë naaxwiinyëtë ma mtekpya'tkëtyën, jëtu'un tä y'anokën yë kepy wintëkäämpë mëti'ipë ujtsën mëët yë tsajpmok.

Biblia Mixe de Quetzaltepec

¹³ E oy ko jyëtu'unëty, ëjts nyaj'anokëjäämpyës yë naaxwiinyëtë ma mtekpya'tkëtyën, jëtu'un tä y'anokën yë kepy wintëkäämpë mëti'ipë ujtsën mëët yë tsajpmok.

Amós 2:13 ပူးပေါင်းရင်းမြစ်များ

Génesis 37:7

Të nwin'ixyës, ko nitëkokyë ëëtsajtëm ënety kamjotm n'atsu'umtakëm yë tsajpmok, ënät yë njä'äjës të pyëti'iky kujkyë, e yë mjä'äjëty näjyëtu'un të tna'owtitë yë njä'äjës ets të tyajnikëxë'ëktë ja näywyinkutsë'kën.

Job 39:12

¿M'ënaanpën mputëkëtëty ma ënety yë mpëjktä'äky xyajmukyën ets ma ënety xyajpajk'atyën yë mtsajp mokë?

Salmos 78:40

Kanaak ok ojts tkäjpxykyumëtoownaxtë yë Dios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Isaías 1:14

Ëxëëkës n'ixy ko xynyixëëwtuntë ko ja po'o pyi'k'aty ets ko mmuktë mxu'umtë, je'eyës të xyajjoot'anpëktë, nkatimy'ixantëp miitsëty.

Isaías 43:24

Ka'ap të xyjyuy ja waxk mëti'ipë pa'akxu'kpën ets jeexyë të xytyukwintsë'ëkës, ka'apës të xymyo'oy yë jëyujk on mëti'ipës nwintsë'kën'atëpën. Ni'ikyënëmës yë mpoky të xytyukyajtsipke'exy; je'eyës nëkoo të xytyuk'atsipy yë m'ëxëëktu'un m'ëxëëk kajpxën.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.