Amós 2:10 - Biblia Dc en Mixe de Quetzaltepec

¹⁰ E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënety yë'ëjëty jyä'ä'ajtëpën.

Biblia Mixe de Quetzaltepec

¹⁰ E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënäty yë'ëjëty jyä'ä'ajtëpën.

Amós 2:10 ပူးပေါင်းရင်းမြစ်များ

Nehemías 9:21

Wëxtyikxy jëmëjt ojts yajpaatë jam të'ëts'itum ets nitii kyatëkoy'ajtëtë: ja wyit tyujkxy ka'ap kyë'tstë ets ja kyë'ë tyekyëty nijëna'a kyakiixë'ky.

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Ezequiel 20:10

Ënätës jap nju'të Egiptë etsës ojts nyajnëjkxtë jam të'ëts'itjotm;

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Amós 9:7

Jëtu'un yë Wintsën y'ënä'äny: Miitsëty Israel ja'ayëty ka'ap mtëkatsy'atë mëët yë Etiope ja'ayëty. Jëtu'un tä miitsëty jap nyajtso'ontën Egiptë ets yaa nyajmiintë, jëtu'unës yë filistejë ja'ayëty ojts nyajtsoontë Creta ets Arameë ja'ayëty jam Quir.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Hechos 13:18

Wëxytyikxy jëmëjt jam të'ëts'itjotm tmëmä'kxtujky.

Hechos 7:42

Paaty ja Dios y'ëxmajtsëtë ets twintsë'ëkëtëty ja matsa'a ets tiijaty jam tsajpwinmën. Jëtu'un ijxtëm ja Dios ja kyäjpxynyajxpë ënety ja nyoky y'ënä'änyën: Miits, Israel ja'ayëty, ko m'ijtë jam të'ëts'itjotm wëxtyikxy jëmëjt, ¿xymyooytyës ja wintsë'kënë?

Deuteronomio 1:39

E oyëtën miitsëty të m'ëna'antë, ko ja mto'oxytyëjkëty ets ja m'u'unk m'ëna'këty ja mëtsip nëjkx tkë'ë'ampëjkta'ay. Tääpë pi'k'ëna'këty yë'ë nëjkx jam tyëkëtë ma tääpë itjotmën oy ënety ka'ap oy myäytyë tyajtënëm. Jä'ä ko yë'ëjës yam nmooytyëp ets yë'ë tjä'ä'atëty.

Deuteronomio 2:7

Yë'ë ja'awëy'itë ko Dios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Josue 13:4

jampë yajpaatën apa'tkë'ëmtsow ma ja y'it nyaaxwiinyëtën ja Canaán ja'ayëty mëti'ipë jam tso'ontakpën ma yajpaatën yë Sidónja'ayëty ets jyä'ty jam Afec ma ja tsëpa'an tmëët'atën mëët yë Amor ja'ayëty.

Josue 24:8

Koonëm nyajmiintë ma ja nyaaxjotmën ja Amor ja'ayëty mëti'ipë a'oytsyow wë'ëmpën ma ja Jordán mëjnëëjën, ojts mjanipëtë'ëkëtë, mijts ojts mëta'aktë ets jëtu'un'äämpy xynyiwa'ktë ja nyaaxëty.