Amós 1:14 - Biblia Dc en Mixe de Quetzaltepec

¹⁴ Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Biblia Mixe de Quetzaltepec

¹⁴ Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënäty ja jëën tsip y'ityën jëtu'un tä tyu'uyën.

Amós 1:14 ပူးပေါင်းရင်းမြစ်များ

2 Samuel 11:1

Jëtu'un ojts tëkok tyunyë jyätyë xëkopkjoty, ma ënety yë ënä'ämpëtëjkëty tsyoontë jya'tën ets muum nyëjkxtë tsiptuunpë; paaty ja David tkejxy ja Joab mëët ja tsyiptuunpëtëjk jampë yajpaatën Israel. Ma ojts tsyiptuntën ojts tyajkutëkoytyë ja Amón ja'ayëty ets näjyëtu'un tyajkutëkooytyë ja Rabá kajpn. E ja David ojts wyi'imy jam Jerusalén.

2 Samuel 12:26

Ja Joab mëët ja tsyiptuunpëtëjk, ojts tsyoontë ets nyëjkxtë jam Rabá ma ja Amón ja'ayëty ja kyajpnëtyën ets tnitëkëja'antë, Joab tëë ënety t'a'ixë ko yë'ë mëtaknëp,

2 Samuel 12:31

e ja ja'ayëty mëti'ipë ojts wyë'ëmtën juuky, ojts tuunkmo'oy, tam mëti'ipë myooyën yë jë'tn, naaxwo'kn, naaxjä'pn ets pujxn mëti'ipë kepy yajtukpujxpën ets mëti'ipë yajkë'ëwtëpën ja muutsy. Maajaty ojts ka'ap tyajmëtä'äkyën ja Amón ja'ay aak ojts tuunkmooytyä'äy. E ja David ojts wyimpijnë mëët ja tsyiptuunpëtëjk jam Jerusalén.

1 Crónicas 20:1

Tëkok ojts tyunyë jyätyë ma ënety xyëkopk'atyën, jää ijty ja yajkutujkpëtëjk muum nyëjkxtë tsiptuunpë. Ënet ja Joab ojts twoowtsoony ja tsyiptuunpëtëjk ets wa'ats tukjëtijtëtyääy ja Amón ja'ayëty ja y'it nyaaxwiinyëtë. Jam ojts tsyoony ets ja Rabá kajpn tnitëjkëy, wa'ats tjijtaay ja nyapots ets xit ko'ow tuuntaay. Ja David jam ënety yajpaaty kajpnjotm.

Job 39:25

Je'eyë y'ëjëjy ko yë xuxn yajtukxu'uxy mëti'ipë tsip nyikäjpxypën, jëkämnëm tmëtoowpaaty ko yë tsip tyuna'anyë ets myëtoopy wi'ix yë ja'ay ënä'ämën tyäkyën ets wi'ix yya'axtën jyoktën.

Salmos 83:15

jëtu'un ixjëtit pajëtit tä wyëtsukyën, ets ëtsë'ëkë mëët yë mëkpoj mëk yoots.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 9:5

Ja kë'ëk mëti'ipë të tukye'eytyën ja tsiptuunpëtëjkëty, mëti'ipë të yajja'ay'ooktën, jëënjoty të yajkujëpijpëtya'atë ets jap të nyitoytyë.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënety ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënet nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Ezequiel 21:20

Mtuknikäätsëp ja tu'u maajaty tmënaxëtyën ja tyiypyujxn ja Babilonyë yajkutujkpë. Yë'ë nyinëjkxëp ja Rabá kajpn, ma ja Amón ja'ay tsyëënëtën ets ja Jerusalén kajpn, ma tsyëënëtën ja Judá ja'ayëty.

Ezequiel 21:22

Ma y'a'oykyë'ë ja ti'pxnkepy tukni''ixyën yë Jerusalén kajpn, jëtu'un yajja'akyukë ko yë'ë nyitëkëjäämpy, yajja'ay ookaanp, tsiptunaanp ets tyajkutëkoyä'äny ja naax kajpn ets twinwëëtëty ja potsy ma tnipätëtyën ja kajpn ets tyajnatujkta'atëty.

Ezequiel 21:25

E mijts, Israel yajkutujkpë, ëxëëk ja'ay ka'oyjyä'äy, miimp wiinkoonp ja nyixëëw ma myajtëytyunëtyën.

Ezequiel 25:5

Mëëyjot yë Rabá kajpn nyaj'awinpita'anyës ma nëjkx jëyujk jëku'ux y'oktën ets Amón kajpn kupixynytyënaaytyakn nyaj'awinpita'anyës. Ënet nëjkx xy'ijxpaatës ko ëjts Wintsën.

Ezequiel 25:7

Paaty miitsëty nipëtë'ëka'antë ets ntëytyuna'antë, nkë'ëyakantëp ma ja naax kajpnën ets mpëjkëtya'ajëtëty mëti'ipë mëët'ajtëpën. Nyajjëwa'akantëp ma wiinkëtypë naax kajpnën, nyajkutëkoyantëp ets myaj'ijxtëkoytyëty. Ënet nëjkx xy'ixtë ko ëjts Wintsën.

Daniel 11:40

Ko ënety tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Amós 2:2

Paatykyëjxmës nno'oka'any yë Moab yë y'itjot ets tääpë jëën yë'ë nyo'okäämpy yë kutujkëntëjk mëti'ipë jamën Queriot; ets Moab ja'ayëty nëjkxëp y'ooktë tsipjotm, ma ënety yajtukxu'uxyën ja tsajpkaawaj.

Zacarías 7:14

Paatyës nyaj'aye'eywya'kxtaaytyë, tä jeexyë pyojwa'kxtën mëët yë pojxujtyk, xiitsow yaatsow ma ja naax kajpnëtyën mëti'ipë ënety ka'ap t'ixy'atën ets ja nyaax kyajpnëty aanë'ëk tëëtsë'ëk y'awinpijty, ni pën jam kyatsëënëjany. Janty oy ënety tääpë kajpn të yajpaaty e yë'ëjëty mon tuk tyaj'awinpijtë.

Deuteronomio 3:11

Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.