Abdías 1:15 - Biblia Dc en Mixe de Quetzaltepec

¹⁵ Jëtu'un tä xytyuunyën ja wiinkëtypë, näjyëtu'un myajtuna'any: Koonëm xy'ëxajëty mëti'ipë mnitëjkëyëpën.

Biblia Mixe de Quetzaltepec

¹⁵ Jëtu'un tä xytyuunyën ja wiinkëtypë, näjyëtu'un myajtuna'any: Koonëm xy'ëxajëty mëti'ipë mnitëjkëyëpën.

Abdías 1:15 ပူးပေါင်းရင်းမြစ်များ

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Job 24:1

¿Wi'ix ko yë Wintsën ka'ap tnikäjpxy jëna'a winë tuna'any? ets jeexyë yë myëku'uktëjk tnijawëtë mëti'ipë mëët oy nyämyäyën.

Salmos 137:8

Mijts Babilonyë ja'ayëty, nëjkxëp jëna'a mkutëkooytya'atë. Jotkujk ja ja'ay yajpaatëty mëti'ipë ënety ëxëëk mtuunëpën, mëët koos ëxëëk të xytyuntë.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Jeremias 12:14

Jëtu'un yë Wintsën të tnikäjpxy jyata'any yë naax kajpn mëti'ipë ëxëëk ëtëtsp ënaanpën, mëti'ipë myëwinkon'ajtëpën yë Israel kajpn, mëti'ipë të tyajma'ta'atën ja naax kam mëti'ipë yë Wintsën myooyën yë Israel kajpn: Ëjts njëpëkäämpyës tääpë naax kajpn naaxwiinypë ets nyajpëtsëma'anyës yë Judá ma yë'ëjëtyën.

Jeremias 49:12

Yë Wintsën jëtu'un y'ënä'äny: Ja ja'ayëty mëti'ipë ka'ap të jyapaatëtën jeexyë o'ktëy jyatë kyëpätë, ëxëëk të jyat të kyëpätë; jëtu'un mijts kopkpëky ko näjyëtu'un xykyëpety mëti'ipë mpatëpën.

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 51:56

Të myintë ja myëtsip ets tyajkutëkoya'antë ja Babilonyë kajpn; tëë yajmajtsta'atë ja tsyiptuunpëtëjk ets ja tyi'px të yajtuktëjëtya'atë. Jä'ä ko yë Wintsën mëti'ipë Tios'ajtpën, myooytyääpy nitu'ukjaty ja'ay yë tëytyu'unën wi'ixjaty të tyuuntëkoytyën.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Ezequiel 35:11

E ëjts Wintsën, njuukyajtënës yam ntukajpxpejtyp ko mijts näjyëtu'un nëjkx n'ëxëëk'ixy, ntukjotma'aty ets ntukjoot'anpëky tä ojts xytyunyën yë Israel kajpn. Ko mijts ntëytyunëty, yë'ëjëty nëjkxëpës xy'ixkaptë.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Amós 5:20

Jëtu'un nëjkx jyäty, ko ënety ja Wintsën myiny nëjkxëp jää kyootsë ets ka'ap tyë'kxa'any jyaja'any; kootspuknë y'awinpita'any, nitii oy kyayaj'ixa'any.

Miqueas 5:15

Maas ja ntsip n'äkë ënety nyajnaxyën, ëxëëkës nëjkx ntuny ja naax kajpn mëti'ipës xykyamëmëtoowpën.

Habacuc 2:8

Nëjkxëp yë naax kajpn nyäkyäjpxyë ets myajnimay myajnitajë wi'ix ëxëëk myajtunëtyën, näjyëtu'un nëjkx myajmä'tsta'ay tä ënety të meetsyën. Nëjkxëp myajtukëpäjta'ay jënu'un ënety ja'ay të xyaj'ookyën ets wi'ix ënety ëxëëk të m'ëtë'ëtsyën ma ja naax kajpnën ets ma ja ja'ayëtyën mëti'ipë ënety jam tsënaaytyëpën ma naax kajpnën.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.