Abdías 1:14 - Biblia Dc en Mixe de Quetzaltepec

¹⁴ Ka'ap jeexyë ojts jam mwa'ak'oyë ma tu'u ye'eymyukyën ets xyaj'o'ky xyajtëkooy ja mëti'ipë käktëpën ets ka'ap jeexyë ojts xykyë'ëyäky ma ënety mon tuk yajpaatën.

Biblia Mixe de Quetzaltepec

¹⁴ Ka'ap jeexyë ojts jam mwa'ak'oyë ma tu'u ye'eymyukyën ets xyaj'o'ky xyajtëkooy ja mëti'ipë käktëpën ets ka'ap jeexyë ojts xykyë'ëyäky ma ënäty mon tuk yajpaatën.

Abdías 1:14 ပူးပေါင်းရင်းမြစ်များ

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Isaías 16:3

Ets tja'ënëëmëtë ja Sión ja'ayëty: Tun mëyajtën, putëjkëtëkës ets Këwent'ajtëkës. Niwaantutëk ëëtsëty ets këtiis xykyë'ëyaktëty, yu'tstëk këëytyëkës jëtu'un tä jeexyë kyoots'atyën ko kyujkyxyëëwatëty; putëkë ja'ay mëti'ipë käkpën pujtpën ets këtii xynyikajpxëty mëti'ipë kukäkëpën mkajpnjoty.

Isaías 16:4

Wä'än jam ma mnaax mkajpnën tkäktso'oktë yë ja'ayëty mëti'ipë käkpëtsëëmtëpën jam Moab. Mijts jëtu'un näpyëjkta'akët yu'tstaknën ma ja'ayëtyën mëti'ipë yajpapooytyëpën.

Isaías 37:3

ets t'ënëëmëtëty ko ja yajkutujkpë jëtu'un ënaanp: Mon tuk tyam nyajpatëmë, mëj këjää ja tëytyu'unën, ka'ap ja jot mëjaawnë, jëtu'un tä tu'uk to'oxytyëjk jyätyën mëti'ipë mëjaawkukëjxëpën ko y'u'unk myääy tyimminanë naaxwiiny.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Abdías 1:12

Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Mateo 22:9

Nëjkx mjëtitë në'ëjoty tu'ujoty ets xywowtëty tu'kë'ëyë ja'ay mëti'ipë mpatëpën wä'än min tkaytyë t'uuktë.