Abdías 1:10 - Biblia Dc en Mixe de Quetzaltepec

¹⁰ Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Biblia Mixe de Quetzaltepec

¹⁰ Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Abdías 1:10 ပူးပေါင်းရင်းမြစ်များ

Génesis 27:11

Ënet ja Jacob ja tyaak t'ënëmaay: Nanë yë n'ajtyës Esaú ni'u'kxy yë'ë, e ëjts ka'apës ni'u'kxyëty.

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënety të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

2 Crónicas 28:17

jä'ä ko tëë ënety ja Edom ja'ayëty nyitëkëty ets tëë ënety may ja ja'ay tsum tyajnëjkxy.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 132:18

Tëkokyë ja myëtsiptëjk tsëtyu'unmëëtës nyajwë'ëma'any e yë'ë mëj'äämpy y'ita'any.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Salmos 69:7

Mëët mijtskyëjxm tëës nmënaxy nyajnaxy yë näy'oj näyya'axë; tëës nyajpaaty wintsëtyu'un jëjptsëtyu'un;

Salmos 89:45

tëë yë jyuukyajtën xykyuwijtsë ets të xyajwë'ëmy tsëtyu'unmëët.

Proverbios 10:6

Ma oyjyä'äyën, mëj këjää yë kënu'kxën jam kyëtä'äky; e ma ja ëxëëk ja'ayën, jëtu'unyë yajkumon yajkutukëty ja ëxëëk jot ëxëëk winma'any.

Proverbios 17:5

Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

Jeremias 12:14

Jëtu'un yë Wintsën të tnikäjpxy jyata'any yë naax kajpn mëti'ipë ëxëëk ëtëtsp ënaanpën, mëti'ipë myëwinkon'ajtëpën yë Israel kajpn, mëti'ipë të tyajma'ta'atën ja naax kam mëti'ipë yë Wintsën myooyën yë Israel kajpn: Ëjts njëpëkäämpyës tääpë naax kajpn naaxwiinypë ets nyajpëtsëma'anyës yë Judá ma yë'ëjëtyën.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 49:13

Ëjts, mëti'ipë Wintsën'ajtpën, nxëëwës ntukajpxpejtyp: Yë Bosrá kajpn aanë'ëk tëëtsë'ëk ets xit ko'ow wyë'ëma'any, yë'ë nëjkx y'ijxpäjtën'aty ko ënety o'ktëy jyäty kyëpety ets ko ënety të yajpoky, e ja wiinkëtypë ja naax kajpn xit ko'ow nëjkx jyajta'atë.

Jeremias 51:51

Jëtu'un miitsëty m'ëna'antë: Ja tsëtyuuntëpës koos ja'ay xy'ojtë xya'axtë. Ëxëëkës nja jawëtë ko ja'ay jëkäm të xynyitsoontës ets të tyëkëtë nkajpnjotyëtyës ets të tyaj'ëxëëkëtë ja wa'atspë kënu'kxypyë tsajptëkoty.

Lamentaciones 4:21

Xi'ik, xoonta'ak mijts Edom kajpn; mëti'ipë jam Us yajkutujkpën. Mtukëta'akanëp näjyëtu'un ja ëyo'on jotmay ets jëtu'un nëjkx mjaty tä ja'ay myu'ukyën ets tä ja'ay niwa'ats ëxwa'ats wyi'imyën.

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Ezequiel 35:9

Aanë'ëk tëëtsë'ëk nëjkx nyajwë'ëmy xëmëkyëjxm ets ni pën jam kya'ëktsënaaynyëty ma mnaax mkajpnën. Ënätnëm nëjkx xy'ijxkaptë ko ëjts Wintsën.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënety pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Deuteronomio 23:7

Yë'ë tëy yë Edom ja'ayëty, këtii jëkäm jëxkë'ëm xyajwë'ëmtëty jä'ä ko mëku'uk'ajtëp yë'ëjëty. Näyjyëtu'un yë Egiptë ja'ayëty këtii jëkäm jëxkë'ëm xyajwë'ëmtëty, jä'ä ko ojts jap tëëyëp mtsëënëtë.

Deuteronomio 23:8

Ja mëtëkëëk'okpë ënety nyajtsmin nyajtsja'tëtën naaxwiiny jyëkyäpëp tsyënaaytyaknpëktëty ma miitsëtyën, ma ja Wintsën ja nyaax kyajpnën.