2 Timoteo 4:2 - Biblia Dc en Mixe de Quetzaltepec

² ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Biblia Mixe de Quetzaltepec

² ets xykyajpxpwa'kxëty ja Tios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

2 Timoteo 4:2 ပူးပေါင်းရင်းမြစ်များ

Salmos 40:9

Tëës nikäjpxy ma mnaax mkajpnën tëkokyë mëti'ipë oy yajtuunp yajkajpxpën. Mijts Wintsën, wa'ats xynyijawë ko ka'apës amonyë n'ity.

Jonás 3:2

Nëjkx jatëkok jam ma Nínive kajpnën ets xynyimëtya'akëty mëti'ipë yam ntuk'ëwaanëjäämpyën.

Lucas 7:23

Ets akujk jotkujk ja ja'ay mëti'ipë ka'ap ja myëpëjkën tyajtëkoyën ma ëjtsën.

Lucas 7:4

Tääts ojts tninëjkxtë ja Jesús ets t'amëtoowtë ja mëyajtën mëk'äämpy t'ënëmaaytyë: Jyëkyejpy ets xypyutëkëty ja tsiptuunpë wintsën,

Lucas 9:60

Ënet ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Dios ja kyutujkën.

Hechos 13:5

Ko jyajtë mejypyë'am ma txëëwatyën Salamina, ënät tkajpxwa'kxtso'ontë ja Dios ja y'aaw y'ayuk ma ja jutiis ja'ayëty ja tsyajptëjkëtyën. Tam ënety mëëtëty ja Juan, jä'ä ojts pyutëkëtë.

Hechos 16:13

Po'kxënxëëw ënety koos ojts nnëjkxtë jam mëjnëë ëkë'ëm, maas ënety të nijawëtën ko jam ja jutiis ja'ay nyëjkxtë Dios mëkajpxpë. Etsës jam naaxwä'tstë, ntuk'ëwaanëtës ja oy aaw oy ayuk ja to'oxytyëjkëty mëti'ipë ënety jam të nyiye'eypyätën.

Hechos 20:7

Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënety tsyoona'any komjëpom.

Hechos 28:16

Kootsës nja'ajtë Roma, ets ja Pablo yajmooy ja kuttujkën ets ja jyajtakn ëpëky t'ixta'ajëty ets je'eyë tu'uk ja tsiptuunpë kyëwent'atëtëty.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.

Romanos 12:12

Juuky'atë jotkujk ko xyjyëjp'ixtë ja oypyë ja juukyajtën. Mëtänëtë amëk jotmëk ja ëyo'on. Nijëna'a ja Dios ja'amyäjtsk xykya'ëxmatstëty.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Colosenses 1:25

Tëë ja Dios xypyëjktä'äkyës ets nputëkëtyës mëti'ipë mëpëjktëpën, yë'ëjës të xytyuknipëky ets miitsëty xytyuk'oy'attëty, ko ja y'aaw y'ayuk të yajkajpxwä'kxy oymyaajëty,

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

1 Tesalonicenses 1:6

Miitsëty jëtu'un ojts winë xytyuntë ijxtëm pyäätyën, ijxtëm ëëts winë të ntuntën ets ijxtëm ja Wintsën të nnajtstunën ets tëë xykyupëktë ja aaw ayuk mëët ja xoontakën mëti'ipë Kënu'kxymyëkajtën yajkën ma ënety m'ëyow mjotëkoytyën.

1 Tesalonicenses 5:14

Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

1 Tesalonicenses 5:20

Këtii xy'ixtijtëty ja käjpxynyajxpëtëjk ja tyuunkëty.

1 Timoteo 4:13

Naamka'anëmës jam nnëjkxy, tukwinkajpxë ja'ay ja Dios ja y'aaw y'ayuk. Yajjotkujkta'ak ja jëëky mëku'uk ets Yaj'ijxpëk.

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

2 Timoteo 2:21

Pën ja'ay wa'ats nyäyaj'ityë ets näkyëwent'ajtëp, jëtu'un nyaxa'any tä tii y'oyëtyën tsyujëtyën, tëëpë Dios yajtuknipëjktaakën ets tyunëty, ma ja oypyë myëyätyën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

2 Timoteo 3:10

Mijts tëë oy xypyanëjkxy yë n'ijxpëjkënës, wi'ixës njuuky'ätyën, tiis ntunäämpyën, wi'ixës nmëpekyën, wi'ixës nmä'kxtukyën, wi'ixës ja ja'ay ntsoky njawën ets wi'ixës nmëët'atyën ja mëjaaw etsës nmëtänë ja ëyo'on jotmay,

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.