2 Timoteo 4:11 - Biblia Dc en Mixe de Quetzaltepec

¹¹ Lucas yam nätyu'uk të jyaak wë'ëmy. Ixta'a ja Marcos ets mëët mminëty, jä'ä ko xytyukputëjkëpës yë'ë ja Wintsën ja tyuunk.

Biblia Mixe de Quetzaltepec

¹¹ Lucas yam nätyu'uk të jyaak wë'ëmy. Ixta'a ja Marcos ets mëët mminëty, jä'ä ko xytyukputëjkëpës yë'ë ja Wintsën ja tyuunk.

2 Timoteo 4:11 ပူးပေါင်းရင်းမြစ်များ

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Mateo 19:30

Je'eyëp ko nimay ja ja'ayëty, mëti'ipë tyam jëwyiin'ajtëpën, ix'ok wyë'ëma'antë; ets nimay, mëti'ipë tyam ix'okëtyën, jëwyiin nëjkx nyaxtë.

Mateo 20:16

Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Lucas 13:30

Ënet nëjkx pënëty jëyëjp nyaxtë mëti'ipë tyam okëtyën, ets ix'ok mëti'ipë tyam jëyëjpëtyën.

Hechos 12:12

Ko ënety jëtu'un të myäy të tyäjy, tää ojts nyijkx jam ma ja Maria ja tyëjkën, mëti'ipë Juan tyaak'ajtypën. Ja Juan mëti'ipë näjyëtu'un xyëëwajtypyën Marcos. Jam ja Pedro ojts nyijkx ma ja mayjyä'äyën ma ja Dios ënety jam tja'amyätstën.

Hechos 12:25

Ojts ja Bernabé mëët ja Saulo tkë'ëyaktë ja näypyutëkë jam Jerusalén. Jam tsyo'ontë ets ojts nyëjkxtë Antioquía mëët ja Juan mëti'ipë näjyëtu'un yajtijpën Marcos.

Hechos 15:37

Tääts ja Bernabé ojts tjawowa'any ja Juan mëti'ipë näjyëtu'un yajtijpën Marcos ets jeexyë pyajämyëët'atëtë;

Hechos 15:39

Ka'ap ojts oy nyäjyä'äkyukëtë paaty ja Pablo mëët ja Bernabé ojts ye'eywya'kxtë. Ja Bernabé ojts tpawoy ja Juan Marcos ets ojts nyëjkxtë Chipre kepy nëëwinye'epyëjoty,

Hechos 16:10

Ko ja Pablo jëtu'un t'a'ijxnajxy, ënät ojts nwinmaytyës ko ja Dios jam xywyowtëpës Macedonia ets jam nkajpxwa'kxtëtyës ja oy aaw oy ayuk.

Colosenses 4:10

Aristarco, nmëku'ukës nmëpujxntëjk ja'ayës, yë'ë mtuknikäjxëtëp ja kajpxpo'kxën; näjyëtu'un ja Marcos, Bernabé myëku'uk. Tëë myajtuk'ëwaanëtë pën Marcos'ajtpën. Yë'ë mninëjkxëtëp, kupëktë yajxon.

Colosenses 4:14

Näy mkajpxpo'kxëtëp ja Lucas, mëti'ipë yajtsooypyäjtpën ets näjyëtu'un ja Demas.

2 Timoteo 1:15

Tëë xynyijawë ko tëëjës xynyikäkta'atë ja Asia ja'ayëty, ja Figelo ets ja Hermógenes.

2 Timoteo 2:21

Pën ja'ay wa'ats nyäyaj'ityë ets näkyëwent'ajtëp, jëtu'un nyaxa'any tä tii y'oyëtyën tsyujëtyën, tëëpë Dios yajtuknipëjktaakën ets tyunëty, ma ja oypyë myëyätyën.

Filemón 1:24

näjyëtu'un mkajpxpo'kxëtë ja Marcos, Aristarco, Demas ets Lucas, mëti'ipës xypyutëjkëtëpën ma tuunkën.

1 Pedro 5:13

Ja mëpëjkpëtëjk mëti'ipë jam Babilonyë yajpatëpën, mëti'ipë ja Dios näjyëtu'un të wyinwitsëtën ijxtëm miitsëtyën, yë'ë mtuknikäjxëtëp ja kajpxpo'kxën ets näjyëtu'un mtuknikäxëtë ja kajpxpo'kxën ja nmaankës Marcos.