2 Timoteo 3:8 - Biblia Dc en Mixe de Quetzaltepec

⁸ Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

Biblia Mixe de Quetzaltepec

⁸ Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

2 Timoteo 3:8 ပူးပေါင်းရင်းမြစ်များ

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

Éxodo 7:11

E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

2 Timoteo 4:15

Mnäkyëwent'atëtëp näjyëtu'un ma yë'ëjën, jä'ä ko tëë tmëtsippëky ja aaw ayuk mëti'ipës të nkajpxwä'kxtën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Apocalipsis 2:6

Oy jyajëtu'unëty, mijts oy myajnikäjpxy, jä'ä ko xy'ëxëëk ixy ja Nicolás ja y'ijxpëjkpëtëjkëty, mëti'ipës näjyëtu'un n'ëxëëk'ijxypyën.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

Éxodo 8:18

Ja xëëwmääpyëtëjkëty näjyëtu'un ojts tjatunankojnëtëpë tjayajpëtsëmantë ja tsukts, e ka'ap ojts y'ëkmaayënëtë. Ya'atë tsuktsëty ëxëëk y'ëtëtstë ma ja'ayëtyën ets ma jëyujkëtyën.

Éxodo 7:22

E ja xëëwmääpyëtëjkëty ets ja wijyjyä'äytyëjkëty ojts näjyëtu'un tyaj'awinpitë ja nëë ne'pny, jëtu'un ojts tuntë tä ënety yë'ëjëty tuunk'atën, yë mëj'ënä'ämpë je'eyëm ka'ap tja'akyukë ja aaw ayuk tä ja Moisés ets ja Aarón jya'ëna'antën, jëtu'un ojts y'ëti'itsy tä ënety ja Dios të t'akäjpxyën.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Hechos 15:24

Tëës nmëtoy'atë ko tëë ya'atë ja'ay jënaakën nyëjkxtë ma miitsëtyën mëti'ipë ka'ap ëëts nkäxtën, mëti'ipë jyatsojktëpën ets jeexyë mwinmaaytyëkatstë ets jeexyë xyajtëkoytyë ja mëpëjkënëty.

Éxodo 8:7

E yë'ë ënät ja xëëwmääpyëtëjkëty näjyëtu'un ojts tuntë, ojts tyajmintë näjyëtu'un ja maynyooty jap Egiptë, jëtu'un tä ënety yë'ëjëty tnijawëtën winë tuntëty.