2 Timoteo 3:3 - Biblia Dc en Mixe de Quetzaltepec

³ Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.

Biblia Mixe de Quetzaltepec

³ Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.

2 Timoteo 3:3 ပူးပေါင်းရင်းမြစ်များ

Génesis 49:7

Mpojkpyës yam ets poky y'itëty yë tsyip y'äkëty ëxëëkpë tëkatsypë. Ëjts n'awojpwa'kxta'ajëp maajaty yë Israel kajpn yajpaatyën.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

Salmos 22:6

E ëjts nitiijës nkatsowëty, jëtu'unës tä tu'uk yë tënë'kën. Je'eyës nyajja'ayxyi'iky.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënety ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Mateo 10:21

Nëjkxëp ja ja'ay ja y'uty ëkë ja y'äjty tkë'ëyäky o'këntum, näjyëtu'un ja teety taak, nëjkxëp ja y'u'unk y'ëna'k tkë'ëyäky ets ja u'unk ëna'k myëtsiptsoonäämpy ja tyeety tyaak ets nëjkxëp tyaj'ooky.

Mateo 4:1

Tääts ja Jesús ja Kënu'kxymyëkajtën ojts yajnëjkxyë të'ëts'itjotm ets ja mëjku'u wyinma'any'ixa'anyë.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

1 Corintios 7:9

E pën ka'ap tmëmëta'aka'antë ja nyi'kx kyopk, nikë wä'än timpyëktë ets këtiipë pyokytyuntëty ko tkamëmëta'aktëty ja nätyu'uk'at.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

Tito 1:8

Ni'ikyë xëmë ja ja'ay tyajjajta'akëty oy tsuj ma tyëjkën; oy winë tunëty, wijy kujk jyä'äy'atëty, ka'ap tii tuuntëkoyëty ets mëtëy tyu'uye'eyëty.

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

Santiago 2:6

miitsëty jëtu'un ja'ay mtimy'ixëtë ka'ap yowë nitii xykyëjxm'atë. ¿Këtii yë'ëjëty kumeenyjyä'äytyëjk je'eyë mëk myajtunëtë ets ka'ap kä'pxy mëjuyëtë, ni'ikyënëm mwitsëtë mjëtutëtë ets mni'ëën mnipëjktsowëtë?

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

2 Pedro 2:19

Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

Judas 1:18

Ko y'ënantë: Ma ja xëëw ënety kyëxanën, tää'atantëp ja ja'ay mëti'ipë je'eyë ja Dios ja jyä'ä nyëxi'ikan tyukxi'ikantëpën, jëtu'un winë tuna'antë tä ja y'ëxëëk winma'anyëtyën, ijxtëm ënety kë'ëm timtsyoktën.

Apocalipsis 13:15

Tääts ja mëk'ajtën yajmooy ja mëmäjtskpë ja mëj jëyujk ets tyajjuukpyëkëty tyajkajpxpëkëty ja mëjëwyiimpë ja mëj jëyujk nikojtu'uty ets tyaj'ookëty mëti'ipë ka'ap wyintsë'ëkëtyën.

Apocalipsis 13:17

Ets ka'ap mëpaat pën jyuy tyooky pën ka'ap kyë'ëkëjxy ëkë wyimpokëjxm tsyä'äyëty mëët ja mëj jëyujk ja xyëëw ëkë ja nyimëtyo'owën.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.