2 Timoteo 3:12 - Biblia Dc en Mixe de Quetzaltepec

¹² Tëyajtën yë'ë ko ni'ëmukë mëti'ipë ja ja'ay juuky'atantëpën oy ma Kristë Jesusën näjyëtu'un yaj'ixjëtita'an yajpajëtita'antë;

Biblia Mixe de Quetzaltepec

¹² Tëyajtën yë'ë ko ni'ëmukë mëti'ipë ja ja'ay juuky'atantëpën oy ma Kristë Jesusën näjyëtu'un yaj'ixjëtita'an yajpajëtita'antë;

2 Timoteo 3:12 ပူးပေါင်းရင်းမြစ်များ

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Marcos 10:30

wäänëni'ik t'ëxajëja'any winë tyam ma jyuuky'ätyën, pyatäämpy mëko'px'am ja tyëjk, y'uty, y'äjty, tsyë'ë, tyaak, y'u'unk y'ëna'k ets nyaax. Oy yajpajëtijta'aktëty, ok nëjkx jyuuky'äty xëmëkyëjxm ko ënety tpaaty ja nyixëëw nyijëmëjt.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 17:14

Tëës ja m'aaw m'ayuk ntukmëmatya'aktë, e ja ëxëëkja'aytyëjk ëxëëk y'ixëtë jä'ä ko ka'ap yë'ë tyajtuntë ja naaxwiinyëtë winma'any, ijxtëm ëjtsën nän ka'apës yë'ëjëty nyajtuny ja naaxwiinyëtë winma'any.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

1 Corintios 15:19

Pën ja nmëpëjkën'ajtëmë yääyë naaxwiiny kyixy nyäxy ko ja Kristë nmëpëjkëmë, ëëtsajtëm nikë wäänë o'ktëy nyajpatëmë këtiinëm ja wiink ja'ayëty.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

2 Corintios 4:9

Xy'ixjëtijt xypyajëtijtëpës ja ja'ay, je'eyëp ko ka'apës ja Dios xy'ëxmatstë; oyës nyajkuj nyajjëpiptë, ka'apës n'ooktë.

1 Timoteo 2:2

Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

Tito 1:1

Ja nyoky ja Pablo, Dios mëtuunpë ets Jesukristë y'ayuk kajpxwa'kxpë, mëti'ipë të yajkexyën ma ja ja'ayëtyën tëëpë ja Dios wyin'ixëtën ets tpaatëty ja mëpëjkën ets nijawëtëty ja tëyajtën mëti'ipë yajpatpën ma n'ijxpëjkëmën,

Tito 2:12

Tääpë Dios yë y'oyajtën yë'ë xytyukni''ijxëm ets n'ëxmajtsmëty ja ëxëëk tu'unën ets atsojkën yaapë naaxwiinyëtën, ets oy nyajtu'uye'emyëty ja juukyajtën tyampë, mëët ja tëyajtën jaanty'ajtën,

Josue 17:14

Ja José y'u'unk y'ok ojts tninëjkxtë ja Josué ets t'ënëmaaytyë: ¿Wi'ix ko ëëtsëty janty wäänë yë naaxëty të xytyimmooynyëtë? Ets mnija'ap wa'ats koos nimay'atë, tëëjës yë Wintsën xykyënu'kxtë mëët nimay yë u'unk ëna'k.

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

2 Pedro 3:11

Ko jëtu'un winë kyutëkooytya'aja'any, miitsëty ni'ikyë mëpaat wa'ats mjuuky'atë ets xywintsë'ëkëtëty ja Dios.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.