2 Timoteo 2:8 - Biblia Dc en Mixe de Quetzaltepec

⁸ Ja'amyäts ja Jesukristë, mëti'ipë ojts jyuukpyikyën ko y'o'ky, ja David ja y'u'unk y'ok, ijxtëmës nnimëtyä'äkyën.

Biblia Mixe de Quetzaltepec

⁸ Ja'amyäts ja Jesukristë, mëti'ipë ojts jyuukpyikyën ko y'o'ky, ja David ja y'u'unk y'ok, ijxtëmës nnimëtyä'äkyën.

2 Timoteo 2:8 ပူးပေါင်းရင်းမြစ်များ

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

2 Tesalonicenses 2:14

Paaty ja Dios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

Mateo 1:1

Yaa myiny kuja'ay ja Jesukristë y'aptëjk, Abraham y'u'unk y'ok ets David y'u'unk y'ok.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

1 Corintios 15:4

ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Dios ja y'aaw y'ayuk kyëxja'ayëtyën;

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

1 Corintios 15:1

Mëku'uktëjkëty, ja'amyätstë miits ja oy aaw oy ayuk mëti'ipë të ntuk'ëwaanëtën, yë'ë ya'atë aaw ayuk mëti'ipë miits të xykyupëktën ets yë'ë tyam tu'ukyë myaj'ijtëtëp.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Hechos 13:23

Tääts ja Dios näjyëtu'un najtskäjxëy ja Yajknitsokpë Jesús, David yë y'u'unk y'ok, jëtu'un ijxtëm të twaantä'äkyën.

Hechos 2:30

Yë David, Dios käjpxynyajxpë ijty, nyija'ap jä'ä ko ënety ja Dios tëë mëktä'äky tyukwinwanëty ko ja y'u'unk y'ok tu'uk tpëjkta'aka'any mëti'ipë y'ëxajëpën ja David ja kyutujkën.

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Timoteo 2:7

Winmay wintaj mëti'ipës nnikäjpxypën, ja Wintsën mtukja'akyukëtëp tu'kë'ëyë winë.