2 Timoteo 2:6 - Biblia Dc en Mixe de Quetzaltepec

⁶ Yë ja'ay mëti'ipë naax tuunpën myëët'ajtyp ja tëyajtën ets jëyëjp tpëkëty ja pëjktä'äky mëti'ipë paat'ajtëpën.

Biblia Mixe de Quetzaltepec

⁶ Yë ja'ay mëti'ipë naax tuunpën myëët'ajtyp ja tëyajtën ets jëyëjp tpëkëty ja pëjktä'äky mëti'ipë paat'ajtëpën.

2 Timoteo 2:6 ပူးပေါင်းရင်းမြစ်များ

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Mateo 20:1

Jëtu'un ja tsajpjotmëpë kuttujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.

Lucas 10:2

Ets t'ënëmaay: Janty may ja pëjktä'äky pyëtë'ëka'any, je'eyëp ko ka'ap ja tuunpë myäyëty. Paaty miits xy'amëtowtëty ja pëjktä'äky ja nyiwintsën ets nyëjkxtëty ja tyuunpë ets ja pëjktä'äky pyëtë'ëkëty.

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

2 Timoteo 2:7

Winmay wintaj mëti'ipës nnikäjpxypën, ja Wintsën mtukja'akyukëtëp tu'kë'ëyë winë.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

Hebreos 6:7

Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Dios ja kyënu'kxën.