2 Timoteo 2:5 - Biblia Dc en Mixe de Quetzaltepec

⁵ Näyjyëtu'un ja ëyë'kpë, mëti'ipë ka'ap oy y'ëyi'ikyën ets ka'ap tpatuny ja ënä'ämën, ka'ap tjëkyepy t'ëxajëty ja kuma'ayën.

Biblia Mixe de Quetzaltepec

⁵ Näyjyëtu'un ja ëyë'kpë, mëti'ipë ka'ap oy y'ëyi'ikyën ets ka'ap tpatuny ja ënä'ämën, ka'ap tjëkyepy t'ëxajëty ja kuma'ayën.

2 Timoteo 2:5 ပူးပေါင်းရင်းမြစ်များ

Apocalipsis 3:11

Minaanpës tsojk. Kwent'at mëti'ipë mmëët'ajtypyën këtiipë pën mpëjkëtëty ja mkuma'ayën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Colosenses 1:29

Paatyës mëk ntuntë ets npajotëkoytyës mëët ja mëjaaw mëk'ajtën mëti'ipës ja Kristë xymyooytyëpën.

Hebreos 12:4

Ka'anëm miits m'ooktë ko mtsiptuntë mëët ja poky.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Hebreos 2:7

Tëë tu'ktiempë naxym xypyëjktä'äky këtiinëm ja anklëstëjk, je'eyëp ko tëë xymyo'oy ja kuttujkën, ja mëj'ajt oyajtën ets ja wintsë'kën;

Filipenses 1:15

Tëy ko tää ja'ay mëti'ipë Kristë y'aaw y'ayuk tsipkyëjxm äkëkyëjxm kyajpxwa'kxtëpën ets näyjyëtu'un mëti'ipë oyjyot oywyinma'any mëët nyikajpxtëpën.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

Apocalipsis 4:10

Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.